ސިޔާސީ ގޮތުން އޮތް ތާއީދު ގެއްލެމުންދާތީ ސަމާލުކަން ހޯދުމުގެ ގޮތުން ހައްލު ހޯދަދީފައިވާ މައްސަލައެއްގައި ރައީސް މުހައްމަދު ނަޝީދު އެންމެފަހުން ސްޓެލްކޯއަށް ފާޑު ވިދާޅުވެއްޖެ އެވެ.

ރައީސް ނަޝީދު މިއަދު ކުރެއްވި ޓުވީޓެއްގައި ވަނީ މާލޭ އިންޖީނުގެ މިހާރު ވަނީ މާލޭގައި ދިރިއުޅޭ ފަރާތްތަކަށް މުސީބާތަކަށްވެފައި ކަމަށާއި، ސިއްހީ ގޮތުންނާއި އެހެން ހުރިހާ ގޮތަކުން ވެސް މުސީބާތަކަށް ވެފައިވާ ކަމަށް ވިދާޅުވެފަ އެވެ. އަދި އިންޖީނުގެ ބޮޑުކުރަމުންދަނީ ގާނޫނާއި، ގަވައިދާ ހިލާފަށް ކަމަށާއި، އެކަމަށް ހައްލު ނުގެނެސް ސްޓެލްކޯއިން އެއްވެސް ކަމެއް ކުރުމަކީ ކުށެއް ކަމަށް ވެސް އެ މަނިކުފާނު ވިދާޅުވި އެވެ.

ރައީސް ނަޝީދު މިފަދައިން ވިދާޅުވެފައި މިވަނީ ހުޅުމާލެއާއި، މާލެއާއި ދެމެދު އަޅާފައިވާ ގެރޭޓާމާލެ ގްރިޑް ޓެސްޓުކޮށް ކާމިޔާބުކަމާއެކު ހުޅުމާލެއިން މާލެއަށް އަދި މާލެއިން ހުޅުލެއަށް ކަރަންޓު ފޯރުކޮށްދެވޭނެކަން ސްޓެލްކޯއިން އިއުލާންކޮށްފައި ވަނިކޮށެވެ. އަދި އެ ގްރިޑް ސްޓޭބަލްވުމާއެކު، އިންޖީނުގެ އާހެދި އުނދަގޫވާ ސަރަހައްދުގައި އުޅޭ ފަރާތްތަކަށް އެ އުނދަގޫ ކުރިމަތިވާ ހުރިހާ އިންޖީނެއް ބޭނުންކުރުން ހުއްޓާލާނެކަން ވެސް ސްޓެލްކޯއިން އަންގާފައިވެ އެވެ.

ސަރުކާރާއި ސްޓެލްކޯގެ ވެސް މާލޭ އިންޖީނުގޭގެ އޮޕަރޭޝަން ހުއްޓާލުމަށް ދުރުރާސްތާ ޕްލޭނެއް އެބައޮތް ކަމަށާއި، އެގޮތުން ހުޅުމާލޭގައި އިތުރު 50 މެގަވޮޓްގެ އިންޖީނުގެއެއް އަޅާ، މާލެއަށް ބޭނުންވާ ހުރިހާ ކަރަންޓެއް ގްރޭޓާމާލެ ގްރިޑް މެދުވެރިކޮށް، އެ އިންޖީނުގެއިން ފޯރުކޮށްދިނުމާއި، ތިލަފުށީގައި އިތުރު 150 މެގަވޮޓްގެ އިންޖީނުގެއެއް އަޅައި، ތިލަމާލެ ބްރިޖާއެކު، އިންޓަކަނެކްޝަން ފޭސް ދޭއް ކުރިއަށް ގެންގޮސް އެ އިންޖީނުގެއާއި، މާލޭ އިންޖީނުގެ ގުޅާލަން ވެސް ވަނީ ރާވާފައިވެ އެވެ.

މީގެ އިތުރުން އިޔާދަ ކުރަނިވި ހަކަތަ ބޭނުން ކުރާމިންވަރު އިތުރު ކުރުމަށް ވެސް ގިނަ މަސައްކަތްތަކެއް މިހާރު ވެސް ދަނީ ކުރެވެމުންނެވެ.

މި ހުރިހާ ކަމެއް ކުރަމުންދަނިކޮށް އަދި ބައެއް ކަންކަން ނިމިފައިވަނިކޮށް ރައީސް ނަޝީދު ސްޓެލްކޯއާ ދިމާކޮށްލި ތާއީދު ގެއްލި ގޮތް ހުސްވުމުން ކަމަށް ބެލެވެ އެވެ.