ކުޑަކުއްޖަކަށް ޓެކްސީ ޑްރައިވަރަކު ޖިންސީ ގޯނާކުރި މައްސަލައެއް ފުލުހުން ބަލަން ފަށައިފި އެވެ.

ފުލުހުން މިއަދު ބުނީ ޓެކްސީ ޑްރައިވަރަކު ޖިންސީ ގޯނާ ކޮށްފައިވާ ކަމަށް ތުހުމަތު ކުރެވެނީ 16 އަހަރުގެ އަންހެން ކުއްޖަކަށް ކަމަށެވެ.

މި މައްސަލަ ފުލުހުންނަށް ރިޕޯޓުކޮށްފައިވަނީ ރޭގެ ވަގުތެއްގަ އެވެ.

ފުލުހުން ބުނީ މި މައްސަލައިގައި މިހާތަނަށް މީހަކު ހައްޔަރުކޮށްފައިނުވާ ކަމަށެވެ.

މި މައްސަލައިގެ އިތުރު ތަފްސީލެއް ފުލުހުން ހާމަކޮށްފައިނުވި ނަމަވެސް، ފުލުހުން އަންނަނީ މި މައްސަލަ ތަހުގީގުކުރަމުންނެވެ.

މައުލޫމާތު ލިބިފައިވާ ގޮތުގައި މިހާދިސާ ހިނގާފައިވަނީ ރޭ 11:30 ހާއިރު އެވެ. އެ ކުއްޖާއަށް ޖިންސީ ގޯނާކުރުމަށްފަހު ހުޅުމާލޭގެ ހިޔާ ފްލެޓްތައް ކައިރިއަށް އޭނާ ބާލުވާފައިވާކަން ވަނީ އެނގިފަ އެވެ. މި އަންހެންކުއްޖާ ޓެކްސީ ހޯދާފައިވަނީ ސެންޓަރަށް ގުޅައިގެން ކަމަށްވެ އެވެ.