ޑިޒްނީ ޕްލަސް ހޮޓްސްޓާ އިން މިމަހުގެ 10 ވަނަ ދުވަހު ޕްރިމިއާކުރި ސައިފް އަލީ ޚާންގެ ހޮރޯ-ކޮމެޑީ "ބޫތު ޕޮލިސް" ގެ ދެވަނަ ބައެއް ހެދުމަށް ނިންމައިފި އެވެ.

"ބޫތު ޕޮލިސް" ޕްރޮޑިއުސަރު ރަމޭޝް އަތުރާނީ ވެސް ސީކްއެލްއެއްގެ އިޝާރާތެއް ދީފައި ވަނިކޮށް، ސައިފް މިހާރު ވަނީ އެކަން ކަށަވަރުކޮށް ދީފަ އެވެ.

https://www.instagram.com/p/CL02O02B4D5/

"ބޫތު ޕޮލިސް"ގެ ޑައިރެކްޓަރު ޕަވަން ކިރްޕަލާނީ މިހާރު އަންނަނީ އެ ފިލްމުގެ ދެ ވަނަ ބަޔަށް ސްކްރީންޕްލޭ ހެދުމުގެ މަސައްކަތް ކުރަމުންނެވެ.

މި ފިލްމުގެ މަސައްކަތް ފެށުމަށް ހަމަޖެހިފައި ވަނީ ޕަވަން ޑައިރެކްޓް ކުރާ "ގޭސްލައިޓް"ގެ މަސައްކަތް ނިމުމުންނެވެ.

"ގޭސްލައިޓް" ގެ ކާސްޓުންނަކީ ސައިފްގެ ދަރިފުޅު ސާރާ އަލީ ޚާނާއި ވިކްރާންތު މަސީގެ އިތުރުން ޗިތުރަންގަދާ ސިންގް އެވެ.

ސައިފް ބުނީ ގޮތުގައި "ބޫތު ޕޮލިސް" ގެ ދެވަނަ ބައެއް ހެދުމަކީ ވަރަށް ބޮޑު އުފަލެކެވެ. ސަބަބަކީ މި ފިލްމަކީ އޭނާގެ ފުރަތަމަ ހޮރޯ-ކޮމެޑީއަށްވެފައި، ފިލްމު ހިތާ ވެސް ގާތްކަމުންނެވެ.

ބިރުވެރި ކަންތައްތަކެއް މަޖާ ގޮތަކަށް ދައްކުވައިދިން "ބޫތު ޕޮލިސް" ގެ ކާސްޓްގައި އަރުޖުން ކަޕޫރާއި ޖެކްލީން ފެނަންޑޭޒްގެ އިތުރުން ޔާމީ ގޯތަމް ވެސް ހިމެނެ އެވެ.