މިފަހަރު މިގެނެސްދެނީ މިހާރަކަށް އައިސް އާއްމުންގެ މެދުގައި ވަރަށް މަގުބޫލް ފޮނި ކެއުމެކެވެ. ރޯދަވީއްލާ ގަޑިއަށް މި ކެއުން ތައްޔާރު ކޮށްލަން ރަނގަޅުވާނެ އެވެ.

ބޭނުންވާ ތަކެތި

  • 150ގ ކަނަމަދު (ކައްޗަށް ކޮށާފައި)
  • 150ގ ގުރާމު ހަކުރު (މުގުރާފައި)
  • 150ގ ފުށް
  • 1 މޭޒުމަތީ ސަމުސާ ބޭކިން ޕައުޑަރު
  • 1 ސައިސަމުސާ ވެނީލާ އެސެންސް
  • 2 ބިސް
  • 1 މޭޒުމަތީ ސަމުސާ ބަޓަރު
  • ½ ޖޯޑު ފުލް ކްރީމް ކިރު

ތައްޔާރު ކުރާގޮތް

  1. ބަޓަރު، ބިސް އަދި ހަކުރު އެއްކޮށް ރަނގަޅަށް ގިރާލާށެވެ. އެއަށްފަހު ފުށާއި، ބޭކިންގް ޕައުޑަރު އަޅައި ފުށްގަނޑު ފުރާނާލުމަށްފަހު ކިރު އަޅާ އަނެންކާވެސް އެއްކޮށްލާށެވެ.
  2. ރަނގަޅަށް ގިރުމުން ކަނަމަދާއި އެސެންސް އަޅާ އެއްކޮށްލާށެވެ.
  3. ޓްރޭގައި ތެޔޮ ހޭކުމަށްފަހު އެއަށް ފުށްގަނޑު ފަތުރާލާށެވެ،
  4. އަވަން 180 ޑިގްރީ ސެލްސިއަސްގައި ބަހައްޓައިގެން 30 މިނެޓު ފިހެލާށެވެ.
  5. ފިހެވުމުން އަވަނުން ނަގައި ކޭކުގެ މައްޗަށް މުގުރާފައި ހުރި ކަނަމަދު ކޮޅެއް ބުރުވާލާށެވެ.