ވަޒީފާގެ ހަޔާތުގައި އެއް ކުންފުންޏެއްގައި ގިނަ ދުވަސްތަކެއް ވަންދެން ދެގޮތެއް ނުވެ ވަޒީފާ އަދާކުރުން މަތީ ދެމިހުރުމަކީ އަހަރުމެންގެ ތެރެއިން ގިނަ ބަޔަކަށް އުނދަގޫ ކަމެކެވެ. އާ ފުރުސަތުތަކާއި ކެރިއާ ޑިވެލޮޕްމަންޓަށް އެހެން ކުންފުނިތަކަށް ދެވޭ ގޮތްވެ އެވެ.

ނަމަވެސް ދެކުނު ބްރެޒިލްއަށް ނިސްބަތްވާ މީހަކު މިވަނީ 84 އަހަރު ވަންދެން އެއް ކުންފުންޏެއްގައި މަސައްކަތް ކޮށްގެން ދުނިޔޭގެ ރެކޯޑެއް ހާސިލް ކޮށްފަ އެވެ.

ބްރެޒިލްގެ ބްރޫސްކް އަވަށަށް ނިސްބަތްވާ މިހާރު އުމުރުން 100 އަހަރު ވެފައިވާ ވޯލްޓާ އޯތުމަން ބުނީ އޭނާގެ ކާމިޔާބަކީ ހިތްވަރާއި ކެތްތެރިކަމުން ލިބުނު ކާމިޔާބެއް ކަމަށެވެ.

"ކުރާ ކަމެއް ކުރަންވާނީ އެކަމަކަށް ލޯބި ޖެހިގެން. އެހެން ނޫންނަމަ ހިފަހައްޓައެއް ނުލެވޭނެ" އިންޓަވިއުއެއްގައި ވޯލްޓާ ބުނެފައިވެ އެވެ.

މީގެ 84 އަހަރު ކުރިން ރިނޯކްސްވިއު ނަމަކަށް ކިޔާ ފޮތި އުފައްދާ ކާރުހާނާއަކަށް ވޯލްޓާ ވަނީ އެންމެ އާދައިގެ މުވައްޒަފެއްގެ ގޮތުގަ އެވެ. އޭގެ ފަހުން އައި ދުވަސްތަކުގައި އޭނާ ވަނީ ކުންފުނީގެ އިދާރީ ބަޔަށް ބަދަލުވެ ސޭލްސް މެނޭޖަރުކަން ވެސް ކޮށްފަ އެވެ.

މިފަދަ ކާމިޔާބެއް ހޯދަން ބޭނުންވާ މީހުންނަށް ވޯލްޓާ ދިން ނަސޭހަތަކީ ލޯބިވާ ކަމެއް ކުރުމަށާއި ކެއިން ބުއިމަށް ސަމާލު ވުމެވެ.