"އެމްޓީވީ މޫވީސް އެންޑް ޓިވީ އެވޯޑްސް 2022"ގެ އެންމެ މޮޅު ފިލްމުގެ އެވޯޑް "ސްޕައިޑާ މޭން - ނޯ ވޭ ހޯމް" އަށް ލިބިއްޖެ އެވެ.

ކެލިފޯނިއާގެ ސެންޓަ މޮނީކާގައި ބޭއްވި ރަސްމިއްޔާތެއްގައި "އެމްޓީވީ މޫވީސް އެންޑް ޓީވީ އެވޯޑްސް 2022" ގެ އެންމެ މޮޅު ފިލްމަކަށް ހޮވިފައިވަނީ 2021 ވަނަ އަހަރުގެ ޑިސެމްބަރު މަހު ރިލީޒްކުރި "ސްޕައިޑާ މޭން- ނޯވޭ ހޯމް" އަށެވެ. މިއީ ޖޯން ވަޓްސް ޑައިރެކްޓްކޮށްފައިވާ ފިލްމެކެވެ. ސުޕައިޑާ މޭންގެ ސިކުއެއްލްތަކުގެ ތެރެއިން އެންމެ ބޮޑު ތަރުހީބެއްގެ ލިބިގެން ގޮސްފައިވަނީވެސް އެފިލްމަށެވެ.

އެންމެ މޮޅު ޓީވީ/ސީރީޒް އަކަށް ހޮވިފައިވަނީ "ޔޫފޯރިއާ"އެވެ. އަދި ހަމަ އެހެންމެ ބެސްޓް ޕަފޯމަންސްގެ އެވޯޑު ލިބިފައިވަނީ ޓޮމް ހޮލެންޑު އަށެވެ.

މިއާއެކު "ސްޕައިޑަ މޭން - ނޯ ވޭ ހޯމް"އަށް ޖުމްލަ 02 އެވޯޑެއް މިވަނީ ލިބިފަ އެވެ. އެއީ މީގެ އިތުރުން އޮސްކާގެ "ބެސްޓް ވިޝުއަލް އިފެކްޓްސް"ގެ އެވޯޑެވެ.

ފާހަގަކުރެވޭ އިތުރު އެވޯޑްތަކުގެ ތެރޭގައި:

  • ބެސްޓް ޕާފޯމަންސް އިން އަ މޫވީ: ޓޮމް ހޮލެންޑު (ސްޕައިޑާ-މޭން: ނޯވޭ ހޯމް)
  • ބެސްޓް ޕާފޯމަންސް އިން އަ ޝޯ: ޒެންޑާޔާ (ޔޫފޯރިއާ)
  • ބެސްޓް ހީރޯ: ސްކާލެޓް ޖޮހޭންސަން (ބްލެކް ވިޑޯ)
  • ބެސްޓު ކޮމިކް: ރަޔަން ރޭނޯލްޑްސް (ފްރީ ގައި)
  • ބެސްޓް ސޯންގް: "އޮން މައި ވޒެ" (ޖެނިފާ ލޮޕޭޒް)
  • ބެސްޓް ލައިފްސްޓައިލް ޝޯ: ސެލީނާ+ޝެފް

ހަފްލާގައި ޖެނިފާ ލޮޕޭޒްއަށް ވަނީ ކެރިއާ އެޗީވްމެންޓް އެވޯޑް ދީފަ އެވެ.

ޖެނިފާ ލޮޕޭޒް އަށް ވަނީ ކެރިއާ އެޗީވްމެންޓް އެވޯޑް ލިބިފައި

"ޖެނެރޭޝަން އެވޯޑް" ގެ ނަމުގައި ދިން އެ އެވޯޑާ ހަވާލުވުމަށް ފަހު ޖޭލޯ ބުނީ،އޭނާއަށް އެކި ގޮތްގޮތުން އެހީތެރިކަން ފޯރުކޮށްދިން ފަރާތްތަކަށް ޝުކުރު އަދާކުރާ ކަމަށެވެ.

https://www.instagram.com/p/Ceefh8Yj7EM/?hl=en