ބަނޑު ހިންދުމަށް އެކި މީހުން ކަންތައް ކުރަނީ އެކި ގޮތަށެވެ. ބައެއް މީހުން ކަސްރަތުކޮށް ޑައިޓް ކުރާއިރު އެއްބަޔަކު ބޭސް ބޭނުން ކުރާތަންވެސް އާދެ އެވެ. އެގޮތުން މިއީ ޑައިޓް ކުރަމުންދާއިރު ތައްޔާރު ކޮށްލަން ފަސޭހަ، ހަފްތާއަކުން ވެސް ނަތީޖާ ފެންނަން ފަށާނެ ބުއިމެކެވެ.

ބޭނުންވާ ތަކެތި

  • 4 ލުނބޯ
  • 4 ސަމްސާ މުގުރި އިނގުރު
  • 2 ސަމްސާ ފޮނިތޮށި ޕައުޑަރު
  • 3 ސަމްސާ މާމުއި
  • ¼ ޖޯޑު ފެން

ބުލެންޑަރަށް ލުނބޯތައް ފެލާލުމަށްފަހު ބާކީހުރި ތަކެތި އަޅާ 3 މިނެޓް ވަންދެން އެއްކޮށްލުމުން މިއޮތީ ބުއިން ތައްޔާރުވެފައ އެވެ. ކޮންމެ ދުވަހެއްގެ ދެއިރު ކާގަޑީގެ ކުރިން ސަމްސަލެއް ބޯލާށެވެ. ހަފްތާއެއްގެ ތެރޭގައި އެދެވޭ ނަތީޖާއެއް ފެންނަން ފަށާނެ އެވެ. މަތި ބާރު ފުޅިއަކަށް އަޅާ އަލަމާރީގައިވެސް ރައްކާކުރެވޭނެ އެވެ.

މިއީ ހަމައެކަނި ބަނޑު ހިންދަން މޮޅު ބުއިމެއް ނޫނެވެ. މިއީ ހަޖަމުކުރުމަށް އެހީވެދޭ، ކަރުގަ ރިއްސުން ރަނގަޅުކޮށްދޭ، ހަންގަނޑު އަލިކޮށް އަދި ގޭސްޓުރިކްގ އުދަނގުލުންވެސް ދުރުކޮށްދޭ ބުއިމެކެވެ.