ކުޅަދާނަ ޖާދޫގަރު ޖޫލިއަސް ޑެއިން ޗުއްޓީއަށް ރާއްޖެ އަތުވެއްޖެ އެވެ.

ޖޫލިއަސް ރާއްޖެ އިއްޔެ އައިސްފައިވާއިރު، އޭނާ ޗުއްޓީ ހޭދަކުރަމުން އަންނަނީ ވައްކަރު މޯލްޑިވްސްގަ އެވެ. މި ޗުއްޓީ ދަތުރުގައި އޭނާގެ ކުރޫ މެންބަރުން ވެސް ބައިވެރިވެ އެވެ.

މައުލޫމާތު ލިބިފައިވާ ގޮތުގައި، ޖޫލިއަސް ވައްކަރު މޯލްޑިވްސްގައި ހަތަރު ދުވަސް ހޭދާ ކުރާނެ އެވެ. އެ މުއްދަތުގެ ތެރޭގައި ޖާދޫ ހަދާ ވީޑިއޯތަކެއް ރިސޯޓްގައި ނެގުމަށް ހަމަޖެހިފައިވާކަމަށް ވެސް ވަނީ މައުލޫމާތު ލިބިފަ އެވެ.

ޖޫލިއަސް ވަނީ ރާއްޖޭގެ ކަނޑުއަޑީގެ ރީތިކަން ބަލައިލުމަށް ޑައިވިންނަށް ވެސް ގޮސްފަ އެވެ.

https://www.facebook.com/photo?fbid=728835978603977&set=a.276875280466718

ޖޫލިއަސް އަކީ، ދުނިޔޭގެ އެކި ކަންކޮޅުތަކުން އެތައް މިލިއަން ސަޕޯޓަރުންނެއް ހޯދާފައިވާއިރު، އޭނާ އަކީ، މިވަގުތު ދުނިޔޭގައި މިހަރު ހުރި އެންމެ ޑިމާންޑު ބޮޑު އެއް ޖާދޫގަރު ވެސްމެ އެވެ.

އޭނާގެ ސޯޝަލް އެކައުންޓްތަކުގައި ހުރި ޖާދުވީ ވީޑިއޯތަކަށް އެއް ބިލިއަނަށް ވުރެ ގިނަ ވިއުސް ލިބިފައިވެ އެވެ.

ޖޫލިއަސްގެ އިންސްޓަގްރާމްގައި 6.8 މިލިއަނަށް ވުރެ ގިނަ ފޮލޯވަރުން އޭނާގެ ތިބި އިރު، ފޭސްބުކްގައި 44 މިލިއަނަށް ވުރެ ގިނަ ފޮލޯ ވަރުން އެބަތިއްބެވެ. މީގެ އިތުރުން ޓިކްޓޮކްގައި 11.6 މިލިއަން އަދި ޔޫޓިއުބްގައި 8 މިލިއަނަށް ވުރެ ގިނަ ފޮލޯ ވަރުން އެބަތިއްބެވެ.