ބޮލީވުޑްގެ މަޝްހޫރު ސުޕަ ސްޓާރު ޝާހްރުކް ޚާންގެ އަންހެން ދަރިފުޅު ސުހާނާ ޚާން އަކީ ކުޑައިރުން ފެށިގެން ވެސް ގިނަ ބައެއްގެ ތެރޭގައި މަޝްހޫރުކަން ހޯދާފައިވާ ސްޓާ ކިޑެކެވެ.

ސުހާނާ އޭނާގެ ފިލްމީ ކެރިއަރުގެ މަސައްކަތް ފަށާފައިވާއިރު، ޕްރޮފެޝަނަލް މަސައްކަތްތަކުގެ އިތުރުން އޭނާގެ ޒާތީ ހަޔާތަކީ ވެސް ގިނަ ބަޔަކު ހޯދަައި ބަލަން ބޭނުންވާ އެއްޗެކެވެ.

ހަމަ އެހެންމެ މަޝްހޫރު ފަންނާނަކަށް ލިބިފައިވާ ހަމައެކަނި އަންހެން ދަރިއަކަށް ވުމުން އޭނާއަށް ވަނީީ ގިނަ ބައެއްގެ ސަމާލުކަން ލިބިފަ އެވެ.

އާންމުންގެ ތައުރީފުގެ ބަސްތައް ސުހާނާއަށް ލިބުނު ނަމަވެސް، އާންމުންގެ ސަމާލުކަން އޭނާ ކުރާ ކޮންމެ ކަމަކަށް ދެ އެވެ. އަދި ގިނަ ކަންކަމަށް މީހުންގެ ފާޑުކިޔުމާއި މަލާމާތުގެ ޝިކާރައަކަށްވެސް ސުހާނާވެ އެވެ. އެގޮތުން ދާދި ފަހުން ނޫސްވެރިންގެ ކުރިމަތިން ދިޔަ ވަގުތު އޭނާ ހިނާފައި ދިޔަ ގޮތަށް ވަނީ އާންމުންގެ މަލާމާތް ލިބިފަ އެވެ.

އާންމުން ސުހާނާގެ ހިނގުން ސިފަކޮށްފައިވަނީ ބޮލީވުޑްގެ މަޝްހޫރު ތަރި މަލާއިކާ އަރޯރާގެ ހިނގުމާއި އެއްފަދަވާ ގޮތަށެވެ. އަދި އެއީ ވަރަށް ހުތުރު ހިނގުމެއްގެ ގޮތުގައި ފާހަގަކޮށް އޭރު މަލާއިކާއަށްވެސް އާންމުން މަލާމާތްކޮށްފައިވެ އެވެ.

ސުހާނާގެ މަސައްކަތަށް ބަލާއިރު އޭނާ ދެން އެންމެ އަވަހަށް ފެނިގެން ދާނީ ބޮލީވުޑް މަޝްހޫރު ފަންނާނުންގެ ދަރިން ފިލްމީ ދާއިރާއަށް ނިކުންނަ ފިލްމު "ދަ އާޗީސް" އިންނެވެ. އެ ފިލްމުގެ ޝޫޓިން މިހާރު ވަނީ ނިންމާލާފަ އެވެ.