ޑިޒްނީގެ މަޝްހޫރު ކާޓޫނު ކަމަށްވާ "ދަ ލިޓްލް މާމެއިޑް"ގެ މައްޗަށް ބިނާކޮށް ހަމަ އެނަމުގައި އުފައްދާ ލައިވް އެކްޝަން ފިލްމުގެ އާ ޕޯސްޓަރު ދައްކާލައިފި އެވެ.

އާ ޕޯސްޓަރާއެކު ފިލްމުގެ ޕްރޮޑިއުސަރުން ވަނީ ފިލުމުގެ ޓްރެއިލަރު ކުރިއަށް އޮތް 95 ވަނަ އެކަޑަމީ އެވާޑްސްގެ ތެރެއިން ނެރޭނެ ކަމަށްވެސް ބުނެފަ އެވެ.

އަލަށް ދައްކާލި ޕޯސްޓަރަކީ 1989 ވަނަ އަހަރު ނުކުތް ލިޓްލް މާމެއިޑް ކާޓޫނުގެ ޕޯސްޓަރާ ދާދި އެއްގޮތް ޕޯސްޓަރެއް ކަމުން ކާޓޫނުގެ ހަނދާން އާކޮށްދެ އެވެ.

"ދަ ލިޓްލް މާމެއިޑް"އަކީ ކަނޑުއަޑީގެ ފެނުޕަރީއެއް އިންސާނުންގެ ތެރެއަށް ނުކުމެ އުޅުމުން ދިމާވާ ހާދިސާތަކެއްގެ މައްޗަށް ލިޔެފައިވާ ޚިޔާލީ ވާހަކަ އެކެވެ. މި ވާހަކައިގެ ކާޓޫނަށް ބޮޑު ތަރުހީބެއް ލިބިފައިވެ އެވެ.

ރޮބް މާޝަލް ޑައިރެކްޓްކޮށް އުފައްދާފައިވާ މި ފިލްމުގެ ލީޑުރޯލުތަކުން ފެނިގެންދާނީ ހޭލް ބެއިލީއާއި މެލީސާ މެކްމާތީގެ އިތުރުން ޖޯނަސް ކިންގްގެ އިތުރުން ޑޭވިޑް ޑިގްސް އެވެ.