ހިޔާ ފްލެޓް ޓަވަރެއްގައި ހިނގި މާރާމާރީއެއްގައި ކުޑަކުއްޖަކަށް އަނިޔާވެގެން ހޮސްޕިޓަލުގައި ފަރުވާދީފި އެވެ.

ފުލުހުން ބުނީ މިއަދު ހަވީރު 5:20 ހާއިރު މި މާރާމާރީ ހިނގާފައިވަނީ ހުޅުމާލޭ ދެވަނަ ފިޔަވަހީގެ ހިޔާ ޓަވަރު ކައިރީގައި ކަމަށެވެ. އަދި މާރާމާރީގައި އަނިޔާވި 18 އަހަރުން ދަށުގެ ޒުވާނާއަށް ހުޅުމާލެ ހޮސްޕިޓަލުގައި ފަރުވާދެމުންދާކަމަށް ފުލުހުން ބުންޏެވެ.

އެހެންނަމަވެސް އެކުއްޖާއަށް ލިބިފައިވާ އަނިޔާ ސީރިއަސް ނޫން ކަމަށް ވެސް ފުލުހުން ބުނެފައިވެ އެވެ.

ފުލުހުން ވިދާޅުވީ މި މައްސަލަ ތަހުގީގުކުރަމުންދާ ކަމަށެވެ.