އެންމެ ފަހުން ނުކުތް ޝާހްރުކް ޚާންގެ "ޖަވާން" ފިލްމުގެ މަންޒަރެއްގައި ޝާހްރުކް ޕޮކޯ ބްރޭންޑްގެ ފޯނެެއް ގެންގުޅުމުން މައްސަލަ ބޮޑުވެއްޖެ އެވެ.

ޖަވާން ބަލަން ދިޔަ ބައެއް ސަޕޯޓަރުން ވަނީ ފިލްމުގެ ބައެއް މަންޒަރުތަކުގައި ޝާހްރުކް ޕޮކޯ އެކްސް ފޯ ޕްރޯ މޮޑެލްގެ ފޯނެއް ގެންގުޅޭކަން ފާހަގަ ކޮށްފަ އެވެ.

މިއީ ދާދި ފަހުން އިންޑިއާގެ އެހެން މޮބައިލް ބްރޭންޑެއް ކަމަށްވާ "ރިއަލްމީ"ގެ އެކްސްކްލޫޒިވް އެމްބަސެޑަރެއްގެ ގޮތުގައި ސޮއިކުރި ޝާހްރުކްގެ ކޮންޓްރެކްޓާ ޚިލާފު ކަމަކަށް ވާނެ ކަމަށް އެމީހުން އަންނަނީ ބުނަމުންނެވެ.

އެހެން ނަމަވެސް އެއީ ފިލްމެއްގެ ތެރެއިން އޭނާ ކުރި ކަމެއް ކަމަށާއި އެހެންކަމުން ޝާހު ކޮންޓްރެކްޓާ ޚިލާފުނުވާ ކަމަށް ވެސް ބައެއް މީހުން ބުނެ އެވެ.

މިކަމާ ބެހޭ ގޮތުން "ރިއަލްމީ"ގެ ބަހެއް އަދި މިހާތަނަށް ލިބިފައެއް ނުވެ އެވެ.