ދުނިޔޭގެ އެންމެ ކުޑަ ލަވަކިޔުންތެރިޔާ އަދި ބިގްބޮސް 16 ގައި ވާދަކުރި އަބްދު ރޯޒިކް ކައިވެނި ކުރަން އުޅޭކަމަށް ހާމަކޮށްފި އެވެ.

ބިގްބޮސް 16ގައި ވާދަކުރި 20 އަހަރުގެ އަބްދު އާންމު ކުރި ވީޑިއޯއެއްގައި އޭނާ ބުނެފައިވަނީ އޭނާއަށް ހަގީގީ ލޯބި ފެނިއްޖެ ކަމަށާއި ލޯބިވެރިޔާއާއި އަންނަ ޖުލައިގައި ކައިވެނި ކުރަން ނިންމާފައިވާ ކަމަށެވެ. އެ ވީޑިއޯގައި އަބްދު ވަނީ އެންގޭޖްމެންޓް އަނގޮޓި ވެސް ދައްކާލާފަ އެވެ.

މީޑިއާ ރިޕޯޓްތައް ބުނާ ގޮތުގައި އަބްދު ކައިވެނި ކުރަނީ ޔޫއޭއީގެ ޝާރުޖާއަށް ނިސްބަތްވާ އުމުރުން 19 އަހަރުގެ އާމިރާ އެވެ. އާމިރާއާ އަބްދު ވަނީ މިދިޔަ މަހުގެ 24 ގައި އެންގޭޖްވެފަ އެވެ. އަދި އެމީހުންގެ ކައިވެނީގެ ހަފްލާ އޮންނާނީ ދުބާއީގައި އެވެ.

https://www.instagram.com/p/C6v-60KPzbe/

ނަމަވެސް އާމިރާއާ ބެހޭ މާ ގިނަ މައުލޫމާތެއް މިހާތަނަކަށް ހާމަކޮށްފައިނުވެ އެވެ. އެންގޭޖްމަންޓް ފޮޓޯތަކުގައި އޭނަގެ މޫނު ވެސް ދައްކައިފައެއް ނުވެ އެވެ.

https://www.instagram.com/p/C6yyc7tvxkg/?utm_source=ig_embed&ig_rid=0ad2f472-b210-4001-b409-86463074566a

ލަވަކިޔުންތެރިއެއްގެ ގޮތުގައި އާންމުންގެ ސަމާލުކަން ހޯދި އިސްކޮޅުން ކުރު ފަންނާނު، ގިނަ ބައެއްގެ މެދުގައި އެންމެ ބޮޑަށް މަޝްހޫރުވީ ބޮލީވުޑްގެ ތަރި ސަލްމާން ޚާން ހޯސްޓްކުރަމުން އަންނަ ކަލާސް ޓީވީގެ ރިއަލިޓީ ޝޯ "ބިގް ބޮސް" ގެ 16 ވަނަ ސީޒަން ބައިވެރިވުމަށްފަހު އެވެ.