މަޝްހޫރު ސީރީސް "ގޭމް އޮފް ތްރޯންސް"ގެ ޕްރީކުއެލް ސީރީސް "ހައުސް އޮފް ދަ ޑްރެގަން"ގެ ދެވަނަ ސީޒަންގެ ޓްރެއިލާ ނުކުމެއްޖެ އެވެ.

ހައުސް އޮފް ދަ ޑްރެގަންގެ ފުރަތަމަ ސީޒަންއަށް ވަނީ ވަރަށް ބޮޑު ތަރުހީބެއް ލިބިފަ އެވެ.

މި ފެންޓަސީ ސީރީސް އަކީ މިޑްއީވަލް ދުވަސްވަރަށް ސެޓްކޮށްފައިވާ ސީރީސްއެކެވެ. މި ސީރީސްގައި ދައްކައިދެނީ ވެރިކަމަށް ތިބޭ ވަރުގަދަ ޓާގޭރިއަން އާއިލާގެ ތެރޭގައި އުފެދޭ ދެބަސްވުމެއްގެ ތެރެއިން ފެށޭ ހަނގުރާމާއިގެ ވާހަކަ އެވެ.

https://www.youtube.com/watch?v=YN2H_sKcmGw

މި ސީރީސް ހަދާފައި ވަނީ "ގޭމް އޮފް ތްރޯންސް" ފޮތްތައް ވެސް ލިޔުނު ލިޔުންތެރިޔާ ޖޯޖް އާރް އާރް މާޓިންގެ "ފަޔާ އެންޑް ބްލަޑް" މި ފޮތަށް ބޭސްކޮށްގެންނެވެ.

މިދިޔަ ސެޕްޓެމްބަރު މަހު ޝޫޓިން ނިމިފައިވީ ނަމަވެސް ސީރީސް އަކީ ސީޖީއައީ ވަރަށް ބޭނުންކުރާ ޝޯއަކަށް ވުމުން މި ޝޯ ރިލީޒްކުރުން ވަނީ ވަރަށް ބޮޑަށް ލަސްވެފަ އެވެ.

ހައުސް އޮފް ދަ ޑްރެގަންގެ ދެވަނަ ސީޒަން އެޗްބީއޯއިން ނުކުންނާނީ ޖޫން 16 ގަ އެވެ.