މާލެ ސަރަހައްދަށް ކުރަމުންދާ ބޯ ވިއްސާރަގައި ހުޅުމާލޭގައި އިމާރާތްކުރަމުންދާ އެޕޯލޯ ޓަވަރުގައި ޖަހާފައި ހުރި ފެންސުތައް ހަލާކުވެ، އޭގެ ބައިތައް ވަޔާ ދާތީ މަގު ބަންދުކޮށްފި އެވެ.

ފުލުހުން ބުނީ އެޕޯލޯ ޓަވަރުތަކުގެ ވަށައިގެން ޖަހާފައިވާ ފެންސުތަކެއް ވަޔާ ދާތީ އެ މަގު ބަންދުކޮށް، ފުލުހުން ހަރަކާތްތެރިވަމުން ދާ ކަމަށެވެ.

ހުޅުމާލޭގެ ފޭސް 1ގެ ސިފްކޯ ޓަވަރުތައް ކުރިމައްޗަށްވާ ގޮތަށް ހުންނަ އެ ޓަވަރުތަކުގެ ވަށައިގެން ޖަހާފައިވާ ފެންސުތަކަށް ވަޔާ ވެއްޓޭ މަންޒަރު ފެންނަ ފޮޓޯ އާއި ވީޑިއޯ ސޯޝަލް މީޑިއާގައި ވަނީ އާންމުވެފަ އެވެ. ފުލުހުން ވެސް ވަނީ އެފަދަ ވީޑިއޯއެއް އާންމުކޮށްފަ އެވެ.

ސުން ގޯސްވާ ހާލަތްްތަކުގައި މިފަދަ ނުރައްކާތެރި ހާދިސާއެއް ދިމާވުމުގެ ފުރުސަތު ކުޑަކުރުމަށްޓަކައި، އިމާރާތްކުރަމުންދާ ސައިޓުތަކުގައި އަޅަންޖެހޭ ހުރިހާ ސަލާމަތީ ފިޔަވަޅެއް އެޅުމަށް ފުލުހުން ވަނީ އިލްތިމާސްކޮށްފަ އެވެ.

މޫސުމާ ބެހޭ ގައުމީ އިދާރާއިން ވަނީ ހަފުތާ ބަންދުގައި ރާއްޖޭގެ ހުރިހާ ސަރަހައްދަކަށް ވެސް ގަދަ ވަޔާއެކު ވިއްސާރަ ކުރާނެ ކަމަށް ލަފާކޮށްފަ އެވެ.