އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރު
މެންބަރުންގެ ގޮނޑި ގެއްލޭ އިސްލާހު ކޮމެޓީއިން ފާސްކޮށްފި
ރައްޔިތުންގެ ހިޔާލު ހުށަހެޅުމަށް ވަގުތު ދޭންޖެހޭ: ބާކައުންސިލް
ފަޅު އިމާރާތެއްގެ ގޮތުގައި ހުންނަ އޯކިޑް ޕްލާޒާގައި ހުރި ކުނިތަކެއްގައި ރޯވި އަލިފާންގަނޑު ނިއްވާލައިފި އެވެ.
ބުރުޒުމަގުގައި ހަތަރު ބުރިއަށް ހަދާފައިވާ އޯކިޑް ޕްލާޒާ އަކީ ސަރުކާރުގެ ކުރީ ޝިޕިން ކުންފުނި، އެމްއެންއެސްއެލް އިން އިމާރާތްކޮށް މީހުން ދިރިއުޅެން ކުއްޔަށް ދޭން ހެދި ތަނެކެވެ. ނަމަވެސް އެތަން ވަރަށް ބޮޑަށް ބާވެ، ހަލާކުވުމުން އެތަނުގައި މީހާރު މީހުން ދިރިނޫޅޭތާ އެތައް އަހަރެއްވެއްޖެ އެވެ. މީހުންނަށް ނުވަދެވޭ ގޮތަށް ބަންދުކޮށްފައި ހުރި ނަމަވެސް އެތަން މިހާރު އާއްމުކޮށް ބޭނުންކުރަނީ މަސްތުވާތަކެތި ބޭނުންކުރާ މީހުން ކަމަށްވެ އެވެ.
އެތަނުގައި ކަރަންޓެއް އަދި ފެނެއް ވެސް މިހާރު ނުހުންނަ ކަމަށްވެ އެވެ.
އެމްއެންޑީއެފް އިން ބުނީ މ. އޯކިޑް ޕްލާޒާގޭގައި ހުރި ކުނިތަކެއްގައި ރޯވި އަލިފާން، އެމްއެންޑީއެފް ފަޔާ އެންޑް ރެސްކިޔު ސާވިސްއިން ނިއްވާލާފައިވާ ކަމަށެވެ.
މި ހާދިސާގެ މައުލޫމާތު، ރޭ ފަތިހު 3:31 ގައި ފަޔާ އެންޑް ރެސްކިޔު ސަރވިސްއަށް ލިބުމާއެކު، ފަޔާ އެންޑް ރެސްކިޔު ސާވިސްގެ ފަޔާ ފައިޓަރުން ހަރަކާތްތެރިވި ކަމަށް އެމްއެންޑީއެފް އިން ބުނެ އެވެ. އަދި އެ ސަރަހައްދަށް ގޮސް ފަޔާ ފައިޓަރުން ކުރި މަސައްކަތުން، އަލިފާންގަނޑު އެއްކޮށް ނިއްވާލެވުނީ ރޭ ފަތިހު 4:50 ހާއިރު ކަމަށް ވެސް އެމްއެންޑީއެފް އިން ބުނެ އެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ވެސް އެމްއެންޑީއެފް އިން ބުނެ އެވެ.
