އިންޑިއާގެ ޓެލެވިޒަން ތާރީހުގައި އެންމެ ގިނަ ބައެއްގެ މަގުބޫލުކަން ހޯދި ޝޯ ކަމަށްވާ "ސީއައިޑީ" ހަ އަހަރުގެ މެދުކެނޑުމަކަށްފަހު އެނބުރި އަތުވެއްޖެ އެވެ.

ސޮނީ އެންޓަޓެއިންމަންޓް ޓީވީގެ ރަސްމީ އެކްސް އެކައުންޓުން ކޮށްފައިވާ ޓްވީޓެއްގައި ވަނީ ބެލުންތެރިންގެ ފޭން ފޭވަރިޓް ޝޯގެ ފުރަތަމަ ޓީޒާ އާއްމުކޮށްފަ އެވެ.

އިއްޔެ ޕްރިމިއާކުރި ސީއައިޑީ ސީޒަން 2ގެ ލީޑު ރޯލުތަކުން ވެސް ފެނިގެންދާނީ ސީޒަން 1ގެ މުހިއްމު ރޯލުތަކުން ވެސް ފެނިގެންދިޔަ ޝިވާޖީ ސަތަމްއާއި އަދިތުޔާ ޝްރިވާސްޓަވް އެވެ.

1998 ވަނަ އަހަރުން ފެށިގެން 2018 ވަނަ އަހަރާ ހަމައަށް މެދުނުކެނޑި ކުރިއަށްދިޔަ އެޝޯގެ ފުރަތަމަ ސީޒަން ވެފައިވަނީ އިންޑިއާގެ ޓީވީ ތާރީހުގައި މެދުނުކެނޑި ކުރިއަށްދިޔަ އެންމެ ދިގު ޝޯއަށެވެ.

ސީއަޑީގެ އެނބުރި އައުން ވެގެން ގޮސްފައިވަނީ ބެލުންތެރިންނަށް ލިބުނު ބޮޑު އުފަލަކަށެވެ. އެގޮތުން އެ ޝޯގެ އެނބުރި އައުން ފާހަގަ ކޮށް ގިނަ ބަޔަކު ވަނީ ސޯޝަލް މީޑިއާގައި ޝުއޫރު ފާޅުކޮށްފަ އެވެ.