މުޒާހަރާ ތެރެއަށް ސިޔާސީ މަގާމުގައި ތިބި ބަޔަކު ވަދެ ހަމަނުޖެހުން
އެއްދުވަހުން ގާނޫނުއަސާސީ ބަދަލުކޮށްލަނީ ރައްޔިތުން ގާތު އަހާނުލާ
އެންޖެލީނާ ފަންޑިތަ ހަދާ ކަމަށް ބުނެފި
އެންޓި-ކޮރަޕްޝަން ކޮމިޝަން (އޭސީސީ) އާއި އިލެކްޝަންސް ކޮމިޝަންސް (އީސީ)ގެ ރައީސާއި ނައިބު ރައީސް އައްޔަންކުރެއްވުމުގެ ބާރު ރައީސަށް ލިބޭ ގޮތަށް އޭސީސީގެ ގާނޫނު އަދި އީސީގެ ގާނޫނަށް އިސްލާހު ގެންނަން ރައްޔިތުންގެ މަޖިލީހަށް ހުށަހަޅާފައި ވަނީ ރާއްޖޭގައި އޮތް ޑިމޮކްރެޓިކް ނިޒާމް "ފުނޑާލަން" ކަމަށް ބުނެ އެމްޑީޕީން މިއަދު މުޒާހަރާ ކުރަން ފަށައިފި އެވެ.
ގިނަ ދުވަސްތަކަށް ފަހު ރައްޔިތުންގެ މަޖިލިސް އިދާރާ ކައިރީގައި މިއަދު މި މުޒާހަރާ އިސްވެ ފަށާފައި ވަނީ އެމްޑީޕީގެ މަޖިލިސް މެންބަރުންނެވެ. އެ މެންބަރުންގެ ފަހަތުން އެ ޕާޓީގެ އާއްމު މެންބަރުން ވެސް މުޒާހަރާގައި ބައިވެރިވި އެވެ.
އިސްލާހީ ހަރަކާތްތެރީން ދަލާއި ލޭ އޮހޮރުވައިގެން ރާއްޖެއަށް ހޯދި ޑިމޮކްރަސީ ފުނޑުފުނޑު ކޮށްލަނީ ކަމަށް ބުނެ މިއަދު ފެށި ސުލްހަވެރި މި މުޒާހަރާއަށް ނުކުތް މީހުން ތިބީ އެކިއެކި ޝުއޫރުތައް ލިޔެފައިވާ ބޯޑުތައް ވެސް ހިފައިގެންނެވެ.
އެ މުޒާހަރާ ފެށުމުގެ ކުރިން މަޖިލިސް އިދާރާ ވަށައިގެންވާ މަގުތައް ފުލުހުން ބަންދުކުރި އެވެ. މަޖިލިސް ކުރިމަތިން ފެށި އެ މުޒާހަރާ ވަނީ މަޖިލިސް ކުރިމަތިން ގޮސް ސޯސަން މަގުން މަޖީދީމަގުން މާފަންނާވީ ކޮޅަށް ކުރިއަށް ގޮސްފަ އެވެ.
ޑިމޮކްރެޓިކްސް ނިޒާމު ބޭނުންއެއްޗެްނޫން ތިޔައެޗެއްގެނެގެސް މިރާއްޖެހާލާކުވެއްޖެ ހުރިހާގޮތަކުންވެސް