ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އޮޅިގެން ހަތަރު އައިޓީ މުވައްޒަފުން އިންޑިއާގައި ހިންގާ މިލިޓަރީ ތަމްރީނަކަށް ފޮނުވައިފި އެވެ.

މި ތަމްރީނަކީ ބޮމް ނިއުޓްރަލައިޒް ކުރުމާއި ކްލޯސް ކުއާޓާ ކޮމްބެޓް (ސީކިއުސީ) ފަދަ ހަރުކަށި މިލިޓަރީ ހަރަކާތްތައް ހިމެނޭ ތަމްރީނެކެވެ. "އާބަން އޮޕަރޭޝަންސް" ޖަހާފައި އިނުުމުން އެޗްޑީސީއިން މި ތަމްރީނަށް މުވައްޒަފުން ފޮނުވާފައިވަނީ އެ ކުންފުންޏާއި ގުޅުންހުރި ތަމްރީނެއް ކަމަށް ހީކޮށެވެ.

"ހުރިހާ" އަށް އެނގިފައިވާ ގޮތުގައި، މުވައްޒަފުން އިންޑިއާއަށް ދިޔަފަހުން ތަމްރީނު ދޭ ފަރާތުން އެ މުވައްޒަފުންނަށް ތަމްރީނުގައި ބައިވެރިވުމުގެ ހުއްދަ ނުދެވޭނެކަމަށް ވަނީ އަންގާފަ އެވެ. އެހެންކަމުން މިހާރު އެޗްޑީސީއިން ދަނީ އެ މުވައްޒަފުން އަނބުރާ ރާއްޖެ ގެނައުމަށް މަސައްކަތް ކުރަމުންނެވެ.