މަޝްހޫރު ރިއަލިޓީ ޖޯޑެއް ކަމަށްވާ ޕްރިންސް ނަރޫލާއާއި ޔުވިކާ ޗައުދަރީގެ ޒާތީ ހަޔާތުގެ ކޯޅުން އިންޓަނެޓުގައި ވައިރަލް ވަމުން އެބަދެ އެވެ.

އެ ދެމީހުންގެ މެދުގައި ބަދަލު ކުރެވެމުން އަންނަ ބަހުގެ ހަމަލާތައް ފެށުނީ ޕްރިންސް އޭނާގެ ވްލޮގްގައި ޔުވިކާގެ މާބަނޑު ދުވަސްވަރާ ބެހޭގޮތުން ބައެއް ވާހަކަތައް ދެއްކުމުންނެވެ.

ޕްރިންސް ބުނެފައިވަނީ ޔުވިކާ މާބަނޑުއިރު ދުވަސް ހަމަވާ ތާރީހު ވެސް އޭނާއަށާއި އޭނާގެ އާއިލާއަށް ނޭނގޭ ކަމަށާއި ވިހަން ހޮސްޕިޓަލްގައި ބޭއްވިކަން ވެސް އެނގުނީ ރައްޓެއްސެއްގެ ފަރާތުުން ކަމަށެވެ.

ޕްރިންސްގެ އެ ތުހުމަތު ތަކަށް ރައްދު ދެމުން ޔުވިކާ އޭނާގެ ވްލޮގްގައި ބުނެފައިވަނީ ވިހަން ހޮސްޕިޓަލުގައި އޮތްއިރު ޕްރިންސް އޭނާގެ ކައިރީގައި ހުންނަން ވަރަށް ބޭނުންވި ކަމަށާއި ވިހަން އުޅޭކަން ޕްރިންސްގެ އާއިލާއަށް ވެސް އެންގި ކަމަށެވެ.

އެއާއެކު ޔުވިކާ ވަނީ އޭނާ ހޮސްޕިޓަލުގައި އޮތްއިރު ޕްރިންސްއާއެކު ކުރި ވީޑިއޯ ކޯލްއެއްގެ ސްކްރީން ޝޮޓެއް ވެސް އާއްމު ކޮށްފަ އެވެ.

ބިގްބޮސް 9 އަކުން ބައްދަލުވެ 2018 ވަނަ އަހަރު ކައިވެނިކުރި ޕްރިންސްއާއި ޔުވިކާއަށް އަލަތު ދަރިފުޅު ލިބުނީ މިއަހަރުގެ ކުރީކޮޅު އެވެ.

އެހެން ނަމަވެސް އޭގެ ފަހުން އެ ދެމީހުންގެ މެދުގައި މައްސަލަތަކެއް ޖެހި ކައިވެނީގެ ގުޅުމުގައި "ކުނި ޖެހިފައިވާ" ކަމަށް ބައެއް ރިޕޯޓުތައް ބުނެ އެވެ.