ލ. މާބައިދޫ ކައުންސިލް މެމްބަރު ހަސަން ޒަރީރު ،ކުއްލިގޮތަކަށް ނިޔާވެއްޖެ އެވެ.

އެރަށުން ވާހަކަދެއްކި މީހަކު ކިޔައިދިންގޮތުގައި ޒަރީރު ނިޔާވީ ހާޓްއެޓޭކެއް ޖެހިގެން ކުއްލިގޮތަކަށް މިރޭ އެވެ.

އެރަށު ހެލްތު ޕޯސްޓަށް ގެންދިޔައިރު ވެސް ޒަރީރު ވަނީ ނިޔާވެފަ އެވެ.

ޒަރީރު ނިޔާވިއިރު އުމުރުން 58 އަހަރެވެ.

އިސްދޫ ދާއިރާގެ މަޖިލިސް މެމްބަރު އިސްމާއީލް ޝަފީއު ފޭސްބުކުގައި ކުރެއްވި ޕޯސްޓެއްގައި ވިދާޅުވީ އޭނާ އަކީ މާބައިދޫގެ އެންމެންގެ ލޯބި އަބަދުވެސް އޮންނަ ބޭފުޅެއް ކަމަށެވެ.