ޖަޕާނުގެ ރައްޔިތުންނަކީ އާއްމު ގޮތެއްގައި އެމީހުންގެ ދުޅަހެޔޮ ސިއްހަތަށްޓަކައި މަޝްހޫރު ބައެކެވެ. އެގައުމަކީ ނިސްބަތުން ފަލަބަލި މަދު ގައުމަކަށްވާއިރު އޭގެ ފަހަތުގައި ވަނީ އެމީހުންގެ ދިރިއުޅުމުގެ ވައްޓަފާޅި އެވެ.

ކަސްރަތު ކުރުން

ޖަޕާނުގެ އާބާދީގެ ބޮޑު ބަޔަކީ ވަރަށް ހަރަކާތްތެރި ދިރިއުޅުމެއް އުޅޭ ގަވާއިދުން ކަސްރަތުކުރާ ބައެކެވެ. އޭގެ ތެރޭގައި ކުޑަ ކުދިންނާއި އުމުރުން ދޮށީ މީހުން ވެސް ހިމެނެ އެވެ.

ލަސް ލަހުން ކެއުން

ޖަޕާނުގެ ސަގާފަތުގައި އަވަސް އަރުވާލައިގެން ކެއުމަކީ ނުރަނގަޅު އާދައެއްގެ ގޮތުގައި ބެލެވިފައިވާއިރު މިއީ އެމީހުންގެ ބަރުދަން އެއްވަރެއްގައި ހުރުމުގެ ސިއްރު ކަމަށްވެސް ބުނެވެ އެވެ.

ތާޒާ ކާނާ

އެގައުމުގެ އާއްމު ކެއުމަކީ ތާޒާ ކާނާއަށް ބަރޯސާ ވެފައިވާ ކެއުމެކެވެ. ނަތީޖާއަކަށްވަނީ ހަށިގަނޑަށް އެތެރެވާ ފެޓްސް މަދުވެ ބަރުދަން އެއްވަރެއްގައި ހިފެހެއްޓުމެވެ.

ކެއުމުގެ މިންވަރު

ތިންއިރުގެ ކެއުން ކެއުމުގައި ޖަޕާނުގެ ރައްޔިތުން ވަކި ހައްދެއް ގެންގުޅެ އެވެ. ކިތަންމެ ބަނޑުހައިވެފައި ހުއްޓަސް މާ ގިނައިން ކެއުމަކީ އެމީހުން ކުރާނެ ކަމެއް ނޫނެވެ.

ސިއްހަތަށް ފައިދާހުރި ބުއިންތައް

ކެއުމުގެ އިތުރުން ސިއްހަތަށް ފައިދާހުރި ތަފާތު ބުއިންތަކަކީ ޖަޕާނު ރައްޔިތުންގެ ކެއިން ބުއިމުގައި މުހިއްމު ހިއްސާ އެކެވެ. އޭގެ ތެރޭގައި ގްރީން ޓީއާއި އެހެނިހެން ހާބަލް ސައިތައް ހިމެނެ އެވެ.