ބްލެންހައިމް ޕެލަސްއިން ރަން ފާހާނާއެއް ނެގި މައްސަލަ ކޯޓަށް
"ދިރާސީ އަހަރަށް ތައްޔާރުވުން ފުރިހަމަ؛ ފޮތް ބެހުން ނިމޭނެ"
އާ ޑައިޓުގެ ނަތީޖާ ފެންނަން ފަށާނީ ކިހާ ދުވަހަކުންތަ؟
މި އަހަރުގެ ފިތުރު ޒަކާތުގެ ގޮތުގައި 13.3 މިލިއަން ރުފިޔާ ލިބިފައިވާ ކަމަށް ދިވެހި ރާއްޖޭގެ ޒަކާތު ހައުސްއިން ބުނެފި އެވެ.
ޒަކާތު ހައުސްއިން ބުނީ މި އަހަރަކީ ވޭތުވެދިޔަ ހަތަރު އަހަރާ އަޅާބަލާއިރު އެންމެ ގިނައިން ޒަކާތުގެ ގޮތުގައި ފައިސާ ލިބުނު އަހަރު ކަމަށެވެ.
ޒަކާތު ހައުސްއިން އާންމުކޮށްފައިވާ ތަފާސް ހިސާބުތައް ދައްކާގޮތުގައި މި އަހަރު ފިތުރު ޒަކާތުގެ ގޮތުގައި ޖުމުލަ 13،264،819 ރުފިޔާ ވަނީ ލިބިފަ އެވެ. ނަމަވެސް މިދިޔަ އަހަރު ލިބިފައި ވަނީ 12،594،777.92 ރުފިޔާ އެވެ. އޭގެ ކުރިން 2023 ވަނަ އަހަރު 12،691،506.08 ރުފިޔާ ލިބުނުއިރު 2022 ވަނަ އަހަރު ޒަކާތިގެ ގޮތުގައި ލިބުނީ 11،669،385.10 ރުފިޔާ ލިބިފައިވެ އެވެ.
ޒަކާތު ހައުސްއިން އާންމުކޮށްފައިވާ ތަފާސް ހިސާބުތައް ދައްކާގޮތުގައި ޒަކާތުގެ ގޮތުގައި ގޮވާމުން މި އަހަރު 10،025.66 ކިލޯ ލިބިފައިވެ އެވެ. މިދިޔަ އަހަރު ގޮވާމުން ޒަކާތަށް ލިބުނީ 12،959.29 ކިލޯ އެވެ. އޭގެ ކުރިން 2023 ވަނަ އަހަރު 12،380.85 ކިލޯ ލިބުނުއިރު 2022 ވަނަ އަހަރު ލިބުނީ 10،092 ކިލޯ އެވެ.
މިއަހަރު ޒަކާތުގެ ގޮތުގައި ލިބުނު ފައިސާ ފުރަތަމަ ފަހަރަށް ފަގީރުންގެ ދަފްތަރުގައި ހިމެނޭ ހުރިހާ އެންމެނަށް، އެއްހަމަޔަކުން ފިތުރު ޒަކާތް ވަނީ ބަހައިފަ އެވެ. މިއާއެކު ފަގީރުންގެ ދަފްތަރުގައި ހިމެނޭ ކޮންމެ ފަރުދަކަށް 4،500 ރުފިޔާ ވަނީ ބަހާފަ އެވެ. އަދި ފަލަސްތީނުގެ ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށްޓަކައި ފިތުރު ޒަކާތުގެ ގޮތުގައި ލިބިފައިވާ ފައިސާއިން 500،000 ރުފިޔާ އިސްރާ އެސޯސިއޭޝަންއާ ވަނީ ހަވާލުކޮށްފަ އެވެ.
ފިތުރު ޒަކާތަކީ ރަމަޟާން މަސް ނިމުމާއެކު ޒަކާތް ހައްގުވާ މީހުންނަށް ދޭންޖެހޭ މާއްދީ އެހީތެރިކަމެކެވެ. ފިތުރު ޒަކާތް ފަރުޟު ކުރެއްވުނީ ރަމަޟާން މަހުގެ ރޯދައާއެކު ހިޖުރައިން ދެވަނަ އަހަރު އެވެ.
