ކޮންމެ އަހަރެއް ދިވެހިން ކަޑައްތު ކުރާނީ ދިވެހިބަހަށް އިސްކަންދެމުން ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

ރައީސް މުއިއްޒު މިފަދައިން ވިދާޅުވީ ދިވެހިބަހުގެ ދުވަހުގެ މުނާސަބަތުގައި "އެކްސް"ގައި ކުރެއްވި ޕޯސްޓެއްގަ އެވެ.

ރައީސް މުއިއްޒު ވިދާޅުވީ ކޮންމެ އަހަރެއް، ދަހަރެއް، ސައްތައެއް، ސާސްކަފެއް ވެސް ދިވެހީން ކަޑައްތުކުރާނީ ދިވެހިބަހަށް އިސްކަންދެމުން ކަމަށެވެ.

މިއާއެކު ރައީސް މުއިއްޒު ވަނީ ޒަމާނުގެ ކޮންމެ ފުރޮޅުމަކާއި ކުރިއެރުމަކާއި ފައިހަމަކުރަމުން، ދިވެހިބަސް ދިރެމުން އާލާވަމުން ދިއުމުގެ ފޮނި އުންމީދުތަކާއެކު ދިވެހިބަހުގެ ދުވަހުގެ ހެޔޮއެދުންތައް އަރިސްކުރައްވާ ކަމަށް ވިދާޅުވެފަ އެވެ.

2015 ވަނަ އަހަރުން ފެށިގެން ކޮންމެ އަހަރަކު ވެސް މި ދުވަސް ފާހަގަ ކުރަމުން އަންނައިރު މި އަހަރުގެ ދިވެހިބަހުގެ ދުވަހުގެ ޝިއާރަކީ "އިސްކުރާނީ ދިވެހިބަސް" އެވެ