ޒީރޯ ކޯކާއި ޑައެޓް ކޯކުގައި ހަކުރު ހިމެނޭ ކަމަށް މީހުން ބުނޭ. އެއީ އެ ދެ ވައްތަރުގެ ބުއިމުގައި ވެސް ފޮނި ރަހަ ދޭތީ. ކޯކަކީ ސިއްހީ ގޮތުން ބަލާއިރު ފައިދާހުރި ބުއިމެއް ނޫން. އޭގައި ގިނަ އަދަދަކަށް ހަކުރު ހިމެނިފައި ވޭ. ނަމަވެސް ޒީރޯ އަދި ޑައެޓް ކޯކުގައި ހަކުރުގެ ބަދަލުގައި ހަކުރު ރަހަ ލައްވަން ބޭނުން ކުރެވެނީ ތަފާތު "ސްވީޓްނާސް". ބޭނުން ކުރެވިފައިވާ ސްވީޓްނާސްގެ ސަބަބުން ދެ ބުއިމުގައި ކުޑަ ފަރަގެއް ވޭ. ނަމަވެސް ހަށިގަނޑަށް ފައިދާހުރި ބުއިމެއް ނޫން ކަމުން މި ދެ ބުއިން ގިނައިން ބޭނުން ކުރުން ރަނގަޅެއް ނޫން. އަދި ބޭނުން ކުރާނަމަ އެއްވެސް ވަރެއްގެ ފައިދާއެއް ލިބޭނީ ދިރިއުޅުމުގެ ވައްޓަފާޅިއަށް ބަދަލުތަކެއް ގެނެސްފައިވާ ނަމަ. އޭގެ ތެރޭގައި ކަސްރަތު ކުރުމާއި، ފައިދާހުރި ކާނާ ބޭނުންކޮށް މިންހެޔޮ ކޮށް ކެއުމާއި، ނިދިހަމަ ކުރުން ހިމެނޭ.

ދަޅުގެ ބޭރުގައި ޒީރޯ ކޯކު ނުވަތަ ޑައެޓް ކޯކު ޖަހާފައި ވީ ނަމަވެސް އޭގައި ހަކުރު ހިމެނޭނެ ކަމަށް ގިނަ މީހުން ބުނެ އެވެ. އެއީ އޭގައި ހަކުރު ރަހަ ހުންނާތީ އެވެ. އެހެން ނަމަވެސް އެ ދެ ވައްތަރުގެ ކޯކަކީ އެއަށް ހަކުރު އެއްކުރެވިފައިވާ ބުއިމެއް ނޫނެވެ. ވީމާ ޑައެޓް ކޯކު ބުއި ނަމަވެސް ނުވަތަ ޒީރޯ ކޯކު ބުއި ނަމަވެސް ލޭގައި ހަކުރު ހިމެނޭ މިންވަރަކަށް ބަދަލެއް ނާންނާނެ އެވެ.

ޒީރޯ ކޯކު އަދި ޑައެޓް ކޯކުގެ ނަން ދެވިފައި ވަނީ އެ ދެ ބުއިމަށް ފޮނި ރަހައެއް ލެއްވުމަށް އެއްކުރެވިފައިވާ މާއްދާއަށް ރިއާޔަތް ކޮށެވެ. ޑައެޓް ކޯކަށް އެއްކުރެވިފައިވާ މާއްދާއަށް ދެވިފައިވާ ނަމަކީ "އެސްޕާޓޭމް" އެވެ. މި މާއްދާގެ ސަބަބުން އާންމުކޮށް ބޭނުންކުރާ ހަކުރަށް ވުރެ ގަދަ ފޮނި ރަހައެއް ލީ ނަމަވެސް ކެލޮރީސް (ހަކަތަ) ހިމެނިފައެއް ނުވެ އެވެ.

ޑައެޓްކޯކް އަދި ޒީރޯ ކޯކުގައި ހިމެނެނީ :ސްވީތްޓްނާސް" ގެ ފޮނި ރަހަ

ޑައެޓްކޯކާ ޚިލާފަށް ޒީރޯ ކޯކުގައި ހިމަނާފައި ހުންނަނީ އާދައިގެ ހަކުރާ އެއްގޮތް ރަހައެއް ހުންނަ މާއްދާ އެކެވެ. ނުވަތަ މާއްދާތަކެކެވެ. އެއީ "ސުކްރަލޯސް"، "އެސުލްފޭމް ޕޮޓޭސިއަމް"، "މޮންކްފްރުޓް"، އަދި "ސްޓީވިއާ" ކިޔާ ބާވަތްތަކެކެވެ. މީގެ ސަބަބުން ޒީރޯ ކޯކު އަސްލުކޯކާ ރަހައިގެ ގޮތުން އެއްކަހަލަ ހެން ހީވާނެ އެވެ. ވީމާ އެއީ ޑައެއްޓް ކޯކު ވިޔަސް، ޒީރޯ ކޯކު ވިޔަސް އޭގައި ހަކުރު އެކުލެވިފައެއް ނުވެ އެވެ.

ހަކުރުގެ ރަހަ ގެނައުމަށް އެއްކުރެވޭ މާއްދާތަކުގެ ސަބަބުން ލޭގައި ހަކުރު ހިމެނޭ މިންވަރަށް ސީދާ ބަދަލެއް ނާންނާނެ ކަމަށް ކަމާ ބެހޭ މާހިރުން ވިދާޅުވެ އެވެ. އެހެން ނަމަވެސް އެފަދަ ބުއިން ބޭނުންކުރާ މީހެއްގެ ލައިފްސްޓައިލް، ބަލި، ޖެނެޓިކްސް އަދި ހޯމޯންސްގެ ސަބަބުން އެ މައްދާ ހަށިގަނޑުން ބަލައިގަންނަ ގޮތް ބަދަލުވެ އެވެ. އެހެން ނަމަވެސް އެ ބަދަލަކީ ކުޑަ ބަދަލެއް ކަމަށާއި، އެ ބަދަލު ބިނާވަނީ އެފަދަ މީހަކު ކޯކް ބުއި މިންވަރެއްގެ މައްޗަށް ކަމަށެވެ. ކަން މިހެން އޮތް ނަމަވެސް ޑައެޓް ކޯކު އަދި ޒީރޯ ކޯކު ބޭނުން ކުރަން ވާނީ މަދުންނެވެ.

ޑައެއްޓް އަދި ޒީރޯ ކޯކަކީ ސިއްޚީގޮތުން ފައިދާހުރި ބުއިމެއްނޫން

ބަރުދަން ލުއިކުރުމަށް ބަލާއިރު ޒީރޯ ކޯކު ވިއަސް އަދި ޑައެޓް ކޯކް ވިއަސް ލިބެނީ އެއް ނަތީޖާ އެކެވެ. އާދައިގެ ކޯކަށް ވުރެ މި ބުނި ދެ ބުއިން ވެސް ބަރަދުދަން ލުއިކުރަން ބޭނުންވާ މީހަކަށް ފައިދާ ކުރެ އެވެ. ނަމަވެސް އެއީ އެމީހެއްގެ ކެއުން ބުއިމާއި ނިދުން އަދި ހެލިފެލިވެ އުޅުމަށް ރަނގަޅު ބަދަލެއް ގެނެސްފައިވާ ނަމަ އެވެ.

ކޯކަކީ ސިއްހީ ގޮތުން ފައިދާ ހުރި ބުއިމެއް ނޫނެވެ. ޑައެޓް އަދި ޒީރޯ ކޯކު ވެސް ހަމަ އެފަދަ އެވެ. އެހެން ނަމަވެސް ހަކުރު ގިނަ އަދަދަކަށް ހިމެނޭ ކޯކަށް ވުރެ ޑައެޓް އަދި ޒީރޯ ކޯކު ރަނގަޅު ވާނީ އޭގެން ލޭގައި ހަކުރު ހިމެނޭ މިންވަރު މަތިކޮށް ނުދޭތީ އެވެ.