އެސްޓީއޯ އިން ވިއްކާ ތެލުގެ އަގު ކުއްލިއަކަށް އިންތިހާއަށް ބޮޑުކޮށްފި

އެސްޓީއޯ އިން ވިއްކާ ތެލުގެ އަގު ކުއްލިއަކަށް އިންތިހާއަށް މިއަދުން ފެށިގެން ބޮޑުކޮށްފި އެވެ.

ރާއްޖެއަށް އެންމެ ގިނަ އަދަދަކަށް ތެޔޮ އެތެރެކޮށް ވިއްކަނީ ސަރުކާރުގެ ބޮޑު ހިއްސާއެއް އޮންނަ އެސްޓީއޯ އިންނެވެ. އެ ކުންފުނިން ތެލުގެ އަގު ކުއްލިއަކަށް ބޮޑު ކުރީ އީރާނާ ދެކޮޅަށް އެމެރިކާ އާއި އިޒްރޭލުން ހިންގާ އުދުވާނާ ގުޅިގެން ދުނިޔޭގެ ބާޒާރުގައި ތެލުގެ އަގު އުފުލެން ފެށުމުންނެވެ. އާއްމުކޮށް އެ ކުންފުނިން ތެލުގެ ބޮޑު ކުރަނީ ދުނިޔޭގެ ބާޒާރުގައި ތެލުގެ އަގު އުފުލި، އާ ސްޓޮކެއް ގެނައުމަށް ފަހު އެވެ. ނަމަވެސް މިފަހަރު އަގު ބޮޑުކުރީ ކުރިއާ ހިލާފަށް ދުނިޔޭގެ ބާޒާރުގައި ތެލުގެ އަގު އުފުލެން ފެށުމުން ކުއްލިއަކަށެވެ.

އެސްޓީއޯ އިން ވަނީ މިއަދުން ފެށިގެން ޕެޓްރޯލް ލީޓަރަކުން 18.6 ޕަސެންޓް އަދި ޑީސަލް ލީޓަރަކުން 26 ޕަސެންޓް ވަނީ ބޮޑުކޮށްފަ އެވެ. މިއާއެކު ކުރިން 13.50ރ. ވިއްކި ޕެޓްރޯލް ލީޓަރެއް ދެން ވިއްކާނީ 16.01ރ. އަށެވެ. އަދި ކުރިން 13.92ރ. އަށް ވިއްކި ޑީސަލް ލީޓަރެއް ދެން ވިއްކާނީ 17.54ރ. އެވެ.

މީގެ އިތުރުން ފުޅާ ދާއިރާއެއްގައި ތެލުގެ ވިޔަފާރިކުރާ އަމިއްލަ ކުންފުނި ހޯކްސް އިން ވެސް ވަނީ ތެލުގެ މިއަދުން ފެށިގެން ބޮޑުކޮށްފަ އެވެ. އެ ކުންފުނިން ވެސް ވަނީ ޑީސަލް ލިޓަރަކުން 3.62 ރުފިޔާ އަދި ޕެޓްރޯލް ލިޓަރަކުން 2.51 ރުފިޔާ ބޮޑުކޮށްފަ އެވެ.

ހޯކްސް ތެލުގެ ބޮޑުކުރުމަށްފަހު ނެރުނު ބަޔާނެއްގައި ބުނީ މި ބަދަލަކީ ހޯކްސްގެ ހުރިހާ ކަސްޓަމަރުންނަށް އަމަލުކުރެވޭނެ އާ ރޭޓުތަކެއް ކަމަށެވެ.

ދުނިޔޭގެ ބާޒާރުގައި ސާފުނުކުރާ ތެޔޮ ފީފާއެއްގެ އަގު ވަނީ 81 ޑޮލަރަށް މިއަދު އަރައިފަ އެވެ. އަދި ހަނގުރާމަ ދިގުލައިގެންދާ ނަމަ ތެލުގެ އަގު މިއަށްވުރެ ބޮޑުވާނެ ކަމަށް ލަފާކުރެ އެވެ.