"ހުރިހާ"އިން މި ރޯދަ މަހު ގެނެސްދޭ ރޯދައިގެ ސުވާލާއި ޖަވާބު ސެގްމެންޓަކީ ރަމަޟާން މަހުގެ އަޅުކަމާ ގުޅުވައިގެން އުފެދޭ ބައެއް އާއްމު ސުވާލުތަކަށް ޖަވާބު ހޯދައިދިނުމެވެ. މި ސެގްމެންޓްގައި ގެނެސްދޭ ސުވާލުތަކާއި އޭގެ ޖަވާބުތަކަކީ ދީނީ އިލްމުވެރިއެއް ކަމަށްވާ އާސިމް އަލް ހަކީމް ގެ ދީނީ ދަރުސްތަކުންނާއި ވީޑިއޯތަކުން ނަގާފައިވާ މައުލޫމާތެވެ.

ރަމަޟާން މަސް ފެށިގެން ކުރިއަށްދާއިރު ޖުނުބުވެރި ހާލަތުގައި ހުރެ ފަތިސް ނަމާދުގެ ފަހުން ހޭލެވިއްޖެނަމަ އޭނާގެ ރޯދަ ސައްހަވާނެތޯ ގިނަ ބައެއްގެ ހިތުގައި ސުވާލު އުފެދެ އެވެ.

ރޯދައިގެ ސުވާލާއި ޖަވާބު: ޖުނުބުވެރި ހާލަތުގައި ފަތިސް ވެއްޖެނަމަ ރޯދަ ސައްހަވާނެތަ؟

ޖަވާބު: ރަމަޟާން މަހުގެ ރޭގަނޑުގެ ވަގުތުތަކުގައި ޖިމާއު ވުމަށްފަހު ހިނައިނުގަނެ ނިދުމަށްފަހު ފަތިސް ނަމާދުގެ ފަހުން ހޭލެވުނު ކަމުގައި ވިޔަސް އެ މީހެއްގެ ރޯދައެއް ނުގެއްލޭނެ އެވެ.

https://youtube.com/shorts/Suar-CvyTtE?si=0uXl8iwG-z1hXpyA

އެހެނެއް ކަމަކު އިތުރު ރަސޫލާ މުހައްމަދުއް ސައްލަﷲ އަލައިހި ވަސައްލަމްއާއި އާއިޝާ ރަޟިއަﷲ އަންހާ ވެސް ޖުނުބުވެރި ހާލުކޮޅުގައި ފަތސް ވަންދެން ތިއްބަވާ ކަމަށް އެކަމަނާ ވިދާޅުވި އެވެ.

އެހެން ނަމަވެސް ހޭލުމާއަކު ހިނައިގަނެ ފަތިސް ނަމާދަށް އަވަސްވެގަތުމަކީ އެންމެ މޮޅު ގޮތް ކަމަށް އިލްމުވެރިން ވިދާޅުވެ އެވެ.