މާރާލުމަށްފަހު އުމުރުން 17 އަހަރުގެ ކުއްޖަކު މޫދަށް އެއްލާލި މައްސަލައާ ގުޅިގެން ހައްޔަރުކުރި 27 އަހަރުގެ މީހާ ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފި އެވެ.

މީގެއިތުރުން އެ މައްސަލާގައި ހައްޔަރުކުރި 17 އަހަރުގެ ކުއްޖާގެ ބަންދަށް ކޯޓުން ޖެހީ 15 ދުވަހެވެ.

އެ ކުއްޖާގެ މައްސަލަ އާއިލާގެ ފަރާތުން ފުލުހުންނަށް ހުށަހެޅީ ގެއްލުނުތާ ދެ ދުވަސްވީއިރުވެސް އެ ކުއްޖާގެ ހަބަރެއް ނުވުމުންނެވެ.ރޭ މެންދަމު 2:30 ހާއިރު ހުޅުމާލޭ ފޭސް 2 ގެ އިރުއުތުރު ފަރާތު ފަޅުތެރެއިން ފޮއްޓަކަށްލައި އެއްލާލާފައި އޮއްވައި އެ ކުއްޖާގެ ހަށިގަނޑު ހޯދީ ފުލުހުންނެވެ.

މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުން ބުނެފައި ވަނީ އެ މައްސަލައިގެ ތަހުގީގަށް ބޮޑެތި ކުރިއެރުންތަކެއް ލިބިފައިވާ ކަމަށެވެ.

ޗީފް އިސްޕެކްޓާ އޮފް ޕޮލިސް އަބްދުﷲ ރަޝީދު ވިދާޅުވީ، ފުލުހުން މިހާރު ކުރަމުން އަންނަ މަސައްކަތަކީ އެ މަރާގުޅޭ ހެކި ގަރީނާ ހޯދުމުގެ މަސައްކަތް ކަމަށެވެ.