މާވެލް އާއި ސޮނީ ޕިކްޗާޒް ގުޅިގެން ގެނެސްދޭ ސުޕަހީރޯ ފްރެންޗައިޒް "ސްޕައިޑަމޭން: ނޯ ވޭ ހޯމް" އަންނަ ޑިސެމްބަރު މަހުގެ 17 ވަނަ ދުވަހު ސިނަމާތަކުގައި ރިލީޒްކުރަން ނިންމައިފި އެވެ.

މާވެލް ސްޓޫޑިއޯސް، ސޮނީ އަދި ޑިޒްނީގެ އެކި ސޯޝަލް މީޑިއާގެ އެކި ޕްލެޓްފޯމްތަކުގައި "ސްޕައިޑަމޭން: ނޯ ވޭ ހޯމް"ގެ ޓްރެއިލާ ނެރެފައިވާ ޓްރެއިލާއަށް ވަނީ ވަރަށް ބޮޑު ތަރުހީބެއް ލިބިގެން ގޮސްފަ އެވެ. އަދި މިޓްރެއިލާ ވެގެން ގޮސްފައި ވަނީ ދުނިޔޭގެ އެންމެ ގިބަ މީހުން ބެލި އެއް ޓްރެއިލާއަށެވެ.

ޓްރެއިލާއިން މި ފިލްމު ފެށެނީ "ސްޕައިޑަމޭން: ފާ ފްރޮމް ހޯމް" (ދެވަނަ ބައި) ނިމުނު އިރު، ކްރެޑިޓް ސީންގައި ހިނގާ ދިޔަ ހާދިސާއަށް ފަހު އެވެ. ފިލްމުގެ މައި ކެރެކްޓާ ޕީޓާ ޕާކާ ނުވަތަ ސްޕައިޑަމޭންގެ ސިއްރު އާންމުވެފައިވާ ހާލަތައް ބިނާ ކޮށެވެ.

https://www.youtube.com/watch?v=EXaqGfbiTxc

މި އަހަރުގެ އެންމެ އުންމީދީ ފިލްމުގެ ތެރޭގައި ހިމެނޭ "ސްޕައިޑަ-މޭން: ނޯ ވޭ ހޯމް" ގެ ކާސްޓްގައި ޖެމީ ފޮކްސް، ބެނަޑިކްޓް ކަމްބަބެޗް، އަލްފްރެޑް މޮލީނާ، މަރީޒާ ޓޮމީ، ޖެކޮބް ބެޓަލަން އަދި ޒެޑާޔާ ހިމެނެ އެވެ.

ފިލްމް ޑިރެކްޓް ކޮށްފައި ވަނީ ކުރިން ވެސް އެމްސީޔޫގެ ސްޕައިޑާމޭން ފިލްމްތައް ޑިރެކްޓްކޮށްފައިވާ ޖޮން ވަޓްސް އެވެ.

ސޮނީއިން 2017 ވަނަ އަހަރު ރިލީޒްކުރި "ސްޕައިޑަމޭން: ހޯމްކަމިން" އާ 2019 ގައި ގެނެސްދިން "ސްޕައިޑަމޭން: ފާ ފްރޮމް ހޯމް"އެވެ. މި ދެ ފިލްމަށް ވެސް ވަނީ ބޮޑު ތަރުހީބެއް ލިބިފަ އެވެ.