މިފަހަރުވެސް މިއޮތީ ކުކުޅުގެ ބާވަތެކެވެ. އިންޑިއާގެ ކެއުމެއްގެ ގޮތުގައި ނަން މަޝްހޫރު މި ކެއުމަކީ ރޯދަ ވީއްލާ ގަޑިއަށާއި ހާރުދަމަށް ވެސް ތައްޔާރު ކޮށްލަން ރަނގަޅުވާނެ ކެއުމެކެވެ.

ބޭނުންވާ ތަކެތި

  • 1 ކުކުޅު (ކޮށާފައި)
  • 2/1 ޖޯޑު ޕްލެއިން ޔޯގަޓް
  • 1 ލުނބޯގެ ހުތް
  • 1 މޭޒުމަތީ ސަމުސާގެ ގަރަމް މަސާލާ
  • 4 ލޮނުމެދު (ޗިސްކޮށްފައި)
  • 1 އިންޗު އިނގުރު (ޗިސްކޮށްފައި)
  • 2/1 ސައި ސަމުސާ ތެޅި މިރުސް
  • 1 ސަމުސާ ލޮނު
  • 4/1 ސަމުސާ ރަތް ކާކުލަ

ތައްޔާރުކުރާނެ ގޮތް:

  1. ބޯތައްޓެއްގައި ކުކުޅު ފިޔަވާ ހުރިހާ އެއްޗެއް އެއްކޮށްލާށެވެ. ރީތިކޮށް ހުރިހާ ބާވަތެއް އެއްވުމުން އެއްކޮށްލެވިފައިވާ ސޯސް ގަނޑުގެ ތެރެއަށް ކުކުޅު ކޮޅު އަޅައި ކުކުޅުގެ ހުރިހާ ހިސާބެއްގައި ސޯސްގަނޑު ހޭކެންދެން އެއްކޮށްލާށެވެ.
  2. އެއަށްފަހު މެރިނޭޓް ކުރުމަށް މަދުވެގެން 24 ގަޑިއިރު ފްރިޖްގައި ބަހައްޓާށެވެ.
  3. ކުކުޅު ފިހުމަށް 450 ޑިގްރީއަށް އަވަން ޖައްސާށެވެ. އަދި 30 މިނެޓް ވަންދެން ފިހާށެވެ.