ބާރަށް ހިނގާ މީހުންގެ އުމުރު ދިގުވުމުގެ ފުރުސަތު ބޮޑުކަމަށް އެމެރިކާގެ ޔުނިވާރސިޓީ އޮފް ޕިޓްސްބާގްއިން ކުރިއަށް ގެންދިޔަ ދިރާސާއަކުން ދައްކައިފިއެވެ.

ޕިޓްސް ބާގް ޔުނިވާރސިޓީގެ ޓީމަކުން ވަނީ ބާރަށް ހިނގާ މީހުންގެ ތެރެއިން ހާއްސަކޮށް އުމުރުން ދުވަސްވެފައިވާ މީހުންނަކީ ސިއްހަތު ރަނގަޅު މީހުންކަމަށާއި އަދި އެމީހުންގެ އުމުރު ދިގުވުމުގެ ފުރުސަތު ވަރަށް ބޮޑުކަމަށް ބުނެފަ އެވެ.

މި ދިރާސާގައި ވަނީ މުސްކުޅި އުމުރުފުރައިގެ 34،000 މީހުން އާންމުކޮށް ހިނގާ ސްޕީޑްގައި ވަކި ދުރުމިނަކަށް ހިނގާ މިންވަރު ބަލާފަ ފައެވެ.

އެގޮތުން މިދިރާސާ 21 އަހަރު ވަންދެން ކުރިއަށް ގެންދިޔައިރު ދިރާސާ ޓީމުން ވަނީ މި މީހުން ހިނގަމުންދިޔަ ސްޕީޑާއި އެމީހުންގެ އުމުރަށް އަންނަމުން ދިޔަ ބަދަލުގައި ކޮންމެވެސް ވަރެއްގެ ގުޅުމެއްވާކަމަށް ހޯދައި ނިންމާފަ އެވެ.

މުސްކުޅި އުމުރުފުރައިގެ މީހުންނަށް ހާއްސަކުރެވިގެން ދިރާސާކުރި ނަމަވެސް ބާރަށް ހިނގަން ފެށުމުން ކޮންމެ އުމުރެއްގެ މީހެއްގެ ވެސް އުމުރު ދިގުވުމުގެ ފުރުސަތު އެބަ އޮތްކަމަށްވެސް ދިރާސާގައި ބުނެފައިވެ އެވެ.

ވީމާ ތިޔަބޭފުޅުންވެސް ކޮށްލަށްވަންވީ ކަމަކީ މިދިރާސާގެ އަލީގައި ސްކޫލްދޮށަށް ނުވަތަ އޮފީހަށް ދިޔުމުގައި މިހާރު ތިޔަހިގާ މިންވަރު ކުޑަކޮށް ބާރުކޮށްލަންވީއެވެ. އަދި މިއީ ހަށިގަނޑުގެ ސިއްހަތު ރަނގަޅުކޮށްދީ އަދި ފަސޭހައިން ކޮށްލެވޭ ކަސްރަތެއްވެސްމެއެވެ.