އެކްޓްރެސް ގޯހަރް ހާން އާއި ލަވަކިޔުންތެރިޔާ އިސްމާއިލް ދަރްބާރްގެ ދަރިފުޅު، ޒައިދް ދަރްބާރް ކައިވެނިކޮށްފި އެވެ.

ހަފްތާއަކަށް ދެމިގެން ދިޔަ ކައިވެނީގެ ހަފްލާތަކަށް ފަހު އެ ދެމީހުންގެ "ނިކާ" ހަފްލާ ބާއްވާފައި ވަނީ އިއްޔެ އެވެ.

އެ ދެ މީހުންގެ ކައިވެނީގެ ހެދުން ހުރި އައިވަރީ ކުލައިގަ އެވެ.

ގޯހަރް ލައިގެން ހުރި އެމްބްރޮއިޑާޑް ޝަރާރާ އިން އޭނާ ފެންނަނީ ޝާހީ ގޮތަކަށެވެ. ޒައިދު ލައިގެން ހުރީ ޝެރްވާނީ އެކެވެ. މި ހަފްލާގެ ފޮޓޯތައް ހިއްސާކުރަމުން ގޯހަރް ލިޔެފައިވަނީ "ގުބޫލް ހޭ" މިހެންނެވެ.