އެމެރިކާގެ މަޝްހޫރު ޑްރާމާ ސިލްސިލާ "ޖެނެރަލް ހޮސްޕިޓަލް" ގެ އެކްޓަރު ޖޮނީ ވެކްޓާގެ ގަޔަށް ބަޑި ޖަހާ މަރާލައިފި އެވެ.

މި ހާދިސާ ހިނގާފައިވަނީ އެމެރިކާގެ ލޮސް އެންޖެލިސްގަ އެވެ.

އޭނާ ގަޔަށް ބަޑިޖަހާފައި ވަނީ ޕާކްކޮށްފައިވާ ކާރަކުން ވައްކަންކުރަން އުޅުނު ބަޔަކު ހުއްޓުވަން އުޅެނިކޮށެވެ. ޖޮނީ ގަޔަށް ބަޑި ޖެހުމަށްފަހު ވައްކަން ކުރަން އުޅުނު ތިން މީހުން ވެސް ވަނީ ފިލައިފަ އެވެ. މި ހާދިސާއާ ގުޅިގެން އެއްވެސް މީހަކު ހައްޔަރެއް ނުކުރެ އެވެ. އަދި އެއީ ކޮން ބަޔެއްކަން ވެސް އެނގިފައެއް ނުވެ އެވެ.

އުމުރުން 37 އަހަރުގެ ޖޮނީ ޖެނެރަލް ހޮސްޕިޓަލް ސީރީސްގައި ފެނިފައި ވަނީ 2020 ވަނަ އަހަރުން ފެށިގެންނެވެ. އޭނާ ވަނީ އެ ޑްރާމާ ގެ 160 އެޕިސޯޑުން ފެނިފަ އެވެ.

ލޮސް އެންޖެލިސް ޕޮލިސް ޑިޕާޓްމެންޓްއިން އަދިވެސް ދަނީ މި ހާދިސާ ތަހުގީގުކުރަމުންނެވެ.