ހޮލީވުޑްގެ މަޝްހޫރު ތަރި ޖެނިފާ ލޮޕޭޒްއަށް އިތުބާރު ކުރަން ނުވާނެ ކަމަށް ދުނިޔޭގެ އެންމެ ބޮޑު އެއް މަހުޖަނު އިލަން މަސްކް ބުނެފި އެވެ.

އިލަން ޖެނިފާއާ ބެހޭގޮތުން މިގޮތަށް ވާހަކަ ދައްކާފައިވަނީ ދާދި ފަހުން އާއްމުވި ޖޯ ރޯގަންގެ ޕޮޑްކާސްޓެއްގައި ވާހަކަ ދައްކަމުންނެވެ.

އިލަން ބުނެފައިވަނީ ޝޯން ކޯމްބްސް (ޑިޑީ)ގެ ހަގީގަތް އެނގިހުރެ ވެސް ޖެނިފާ އެކަން އާއްމުންނަށް ސިއްރު ކުރުމުން އެނގިގެންދަނީ އޭނާއަކީ އިތުބާރު ކުރެވޭ ވަރުގެ މީހެއް ނޫން ކަމަށެވެ.

ޑިޑީއަށް ޖިންސީ ފުރައްސާރައާއި އޮރިޔާން ކާޑު ގެންގުޅުމުގެ ތުހުމަތު ކުރެވިފައިވާއިރު ދެހާހުގެ ކުރީކޮޅު ޖެނިފާ ލޮޕޭޒްއާއި ޑިޑީ ލޯބީގެ ގޮތުން ގުޅިގެން އުޅުނެވެ.

މީގެ ކުރިން ވެސް އިލަން ވަނީ ޑިޑީގެ ޕާޓީއަކަށް އެމިނެމް ފަދަ ހޮލީވުޑްގެ ތަރިން ދިއުމުން އެ ތަރިންނަށް ވެސް ފާޅުގައި ފާޑުކިޔާފަ އެވެ.

އެ ޕޮޑްކާސްޓްގައި އިލަން ވަނީ އެމެރިކާގެ ރިޔާސީ އިންތިހާބަށް ވެސް އަލިއަޅުވާލާފަ އެވެ. އޭނާއަކީ ޑޮނަލްޑް ޓްރަމްޕަށް ސަޕޯޓުކުރާ ފަރާތެކެވެ.