ހޮލީވުޑްގެ ތަރިންނަކީ އާއްމު ގޮތެއްގައި ދިރިއުޅުމުގެ ކަންކަން ވަރަށް ރަނގަޅަށް ކުރިއަށް ގެންދާ ކަމަށް ބެލެވިފައި އޮންނަ ތަރިންނެވެ. އެހެން ނަމަވެސް އެ ތަރިންނަކީ ވެސް އިންސާނުންނަށްވާއިރު އެ މީހުންގެ ކިބައިގައިވެސް ނޭދެވޭ އާދަތަކެއް ހުންނާނެކަން ޔަގީނެވެ.

އެގޮތުން މި ބަލާލަނީ މީޑިއާއަށް ހާމަވެފައިވާ ހޮލީވުޑްގެ ބައެއް ތަރިންގެ ނޭދެވޭ އާދަތަކަށެވެ.

ބްރިޓްނީ ސްޕިއާސް

ހޮލީވުޑްގެ ބައެއް ނޫސްތަކުން ބުނިގޮތުގައި އެތައް ފަހަރެއްގެ މަތިން ބްރިޓްނީ، ހަފްލާތަކުގަ އާއި، ޕާޓީތަކުގައި ނިޔަފަތި ކާ މަންޒަރު އާންމުންނަށް ފެނިފައިވެ އެވެ. ހަމައެހެންމެ ބްރިޓްނީ ނިޔަފަތިކާ ބައެއް ފޮޓޯތައް ސޯޝަލް މީޑިއާގައި ވެސް އާންމުވެފައިވެ އެވެ.

ބްރެޑް ޕިޓް

ބްރެޑް ބުނިގޮތުގައި އޭނާ ފެން ނުވަރައި ދެ ހަފްތާ ވެސް ހުރެ އެވެ. އަދި ފެންވަރާ ދުވަހު އޭނާ ސައިބޯނި ބޭނުން ނުކުރާ ކަމަށް ވެސް ބުނެފައިވެ އެވެ.

ޖެނިފާ ލޮރެންސް

އެމްޓީވީއަށް ދިން އިންޓަވިއުއެއްގައި ޖެނިފާ ވަނީ ގިނަ މީހުންގެ ފަރާތުން ނުފެންނަ ކަމެއް އޭނާ ކުރާކަމަށް ބުނެފަ އެވެ. އޭނާ ބުނިގޮތުގައި ފާހާނާއަށް ދިއުމަށްފަހު ދުވަހަކު ވެސް ޖެނިފާ އަތެއް ނުދޮވެ އެވެ. މިކަމުގެ ސަބަބެއް އޭނާ ހާމަކޮށްފައެއް ނުވެ އެވެ.

ޖޮނީ ޑެޕް

ޖޮނީ ޑެޕްގެ ކޮބަޑި ޖަހާފައިވާ ދަތްޕިލައިގެ ވާހަކައަކީ އާއްމުންނަށް ވެސް އާ ވާހަކައެއް ނޫނެވެ. އެތައް ހަފްލާއެއްގައި ޖޮނީ ވަނީ އޭނާގެ ހަޑި ދަތްޕިލައާއެކު ފެނިފަ އެވެ. އެހެން ނަމަވެސް ވަރަށް ފަހުން އޭނާ ވަނީ ދަތްޕިލަ ސާފުކޮށް އާއްމުންގެ ސަމާލުކަން ހޯދާފަ އެވެ.