އެންޓި ކޮރަޕްޝަން ކޮމިޝަން (އޭސީސީ)ގެ ނައިބު ރައީސް އަބްދުއްސަލާމާއި އެ ކޮމިޝަންގެ މެންބަރު ތޯހާ މުހައްމަދުގެ މައްޗަށް ބޮޑެތި ތުހުމަތުތަކެއް ކޮށްފައިވަނިކޮށް އެ ދެ ބޭފުޅުން ވެސް މިއަދު މަގާމުން އިސްތިއުފާދެއްވައިފި އެވެ.

އެ ދެބޭފުޅުން އިސްތިއުފާ ދެއްވާފައި މިވަނީ މަގާމުން ވަކިކުރަން ރައްޔިތުންގެ މަޖިލީހުގެ ވޯޓު ނެގުމަށް ތައްޔާރުވަމުން ދަނިކޮށެވެ.

މިނިވަން މުއައްސަސާތަކުގެ ކޮމިޓީގެ ރީޕޯޓްގައި ވަނީ ސަލާމާއި ތޯހާގެ މައްޗަށް ބޮޑެތި ތުހުމަތުތަކެެއް ކޮށްފަ އެވެ.

އެގޮތުން އަމިއްލަ މަސްލަހަތު އިސްކޮށް ކޮމިޝަންއިން ބަލަމުންދިޔަ މައްސަލަތަކަށް ނުފޫޒު ފޯރުވުމާއި މުވައްޒަފުންނާ ދޭތެރޭ ގޯސްކޮށް އަމަލުކުރުމުގެ ތުހުމަތުތައް ވެސް ހިމެނެ އެވެ.