ރާއްޖެއިން މެލޭޝިއާ އަށް ފުރަތަމަ ޑިފެންސް އެޑްވައިޒަރެއްގެ ގޮތުގައި ކާނަލް އަބްދުއްރައޫފް މިއަދު ހަމަޖައްސައިފި އެވެ.

އެމްއެންޑީއެފް އިން ބުނީ އެ މަގާމުގެ މަސްއޫލިއްޔަތަކީ ދެ ގައުމުގެ އަސްކަރިއްޔާގެ ގުޅުން ބަދަހިކޮށް، ދިވެހި ސިފައިންނަށް އެ ގައުމުން ފުރުސަތުތައް ފަހިކޮށްދިނުން ކަމަށެވެ.

އެމްއެންޑީއެފްއިން ބުނީ ކާނަލް ރައޫފް އެމަގާމަށް އައްޔަން ކުރުމުގެ ސަބަބުން ތައުލީމާއި ތަމްރީނުގެ ފުރުސަތުތައް، މެލޭޝިއާގެ އަސްކަރިއްޔާ އިން، ދިވެހި ސިފައިންނަށް ލިބުމަށް އިތުރު ފަސޭހަތަކެއް ލިބިގެންދާނެ އެވެ.

މެލޭޝިއާގެ އިތުރުން އިންޑިއާ، ސްރީ ލަންކާ އަދި ޕާކިސްތާނުގައި ރާއްޖޭގެ ޑިފެންސް އެޓާޗޭން މިވަގުތު އެބަތިއްބެވި އެވެ.

ރާއްޖޭގެ ފަރާތުން ފުރަތަމަ ޑިފެންސް އެޓާޗޭއަކަށް ބޭފުޅަކު ހަމަޖައްސާފައި ވަނީ އިންޑިއާ އަށެވެ.