ކ. އަތޮޅުން ފެށިގެން ދ. އަތޮޅާއި ހަމައަށް މިއަދު މޫސުން ގޯސްވާނެ ކަމަށް ލަފާކޮށް މޫސުމާބެހޭ ގައުމީ އިދާރާ، މެޓް އޮފީހުން ހުދު ސަމާލު ނެރެފި އެވެ.
މެޓް އޮފީހުން ބުނީ މިއަދު ހެނދުނު 10:30 އިން ފެށިގެން މެންދުރުފަހު 3:30 އަށް ހުދު ސަމާލު ނެރެފައިވާ އަތޮޅުތަކަށް ބޯކޮށް ވާރޭވެހުމާއެކު ގުގުރާނެ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ވެސް ލަފާކޮށްފައިވެ އެވެ.
ރާއްޖެއާ މާ ދުރުނޫން ހިސާބުގައި އުފެދިފައިވާ "ޑިޓުވާ" ތޫފާނުގެ އަސަރު ފާއިތުވި ތިން ދުވަހު ރާއްޖެއަށް ވެސް ދަނީ ކުރަމުންނެވެ. އެގޮތުން އިއްޔެވަނީ ދެކުނާއި މެދު ރާއްޖެތެރޭގެ އަތޮޅުތަކަށް މޫސުން ގޯސްވެފަ އެވެ. މެޓް އޮފީހުން ހުކުރު ދުވަހު ބުނީ ތޫފާން ދަރުތުރު ކުރަމުން ދަނީ ރާއްޖެއާ ދުރަށް ނަމަވެސް، ތޫފާނުގެ އަސަރު ރާއްޖެއަށް ކޮންމެވެސް ވަރަކަށް ކުރާނެ ކަމަށެވެ.
ތޫފާން "ޑިޓްވާ" މިހާރު މިސްރާބު ޖަހާފައިވަނީ އިންޑިއާގެ ދެކުނުގެ ޓެމިލް ނާޑޫއާ ދިމާލަށް ކަމަށް އިންޑިއާގެ މޫސުމާ ބެހޭ އިދާރާއިން ބުނެފައިވެ އެވެ. ތޫފާނުގެ ސަބަބުން އަވަށްޓެރި ލަންކާއަށް ބޮޑެތި ގެއްލުންތަކެއް ލިބި އެތައް ބައެއްގެ ފުރާނަ ވަނީ ގެއްލިފަ އެވެ.
ފޯނާއި ޓެބްލެޓުން ދަރިންގެ ނަފްސާނީ ސިއްހަތަށް ގެއްލުންވޭ!
އަތޮޅުތަކާއި ރަށްތަކުގެ ބާރު ސަރުކާރުން ފޭރިގެންފި: ޔާމީން
ލަންކާގައި ދިރިއުޅޭ ދިވެހިން ސަމާލުވާން އެދިއްޖެ