ރާއްޖޭގައި ބިދޭސީން ގަވައިދާ ހިލާފަށް ހިންގާ ވިޔަފާރިތައް ރިޕޯޓް ކުރަން އިއުލާން ކުރުމުގެ 14 ގަޑިއިރު ތެރޭގައި 29 ތަނެއް ރިޕޯޓްކޮށްފައިވާ ކަމަށް އިކޮނޮމިކް މިނިސްޓްރީން ބުނެފި އެވެ.
އިކޮނޮމިކް މިނިސްޓްރީން ވަނީ ގަވައިދާ ހިލާފަށް ބިދޭސީން ހިންގާ ވިޔަފާރިތައް ރިޕޯޓް ކުރަން އާންމުންނަށް ހުޅުވާލާފައި ވަނީ އިއްޔެގަ އެވެ.
އިކޮނޮމިކް މިނިސްޓްރީން މި މައްސަލަތައް ރިޕޯޓުކުރަން ހުޅުވާލީ ގަވައިދާ ހިލާފަށް ބިދޭސީން އެކި ވިޔަފާރިތައް ފުޅާ ގޮތެއްގައި ހިންގާ ކަމުގެ ޝަކުވާ މާލޭގެ އަވަށްތަކުގެ ރައްޔިތުންނާ އެކު ރައީސް ޑރ. މުހައްމަދު މުއިއްޒު ބާއްވަވަމުން ގެންދަވާ ބައްދަލުވުންތަކުގައި ލިބޭތީ އެކަން ހުއްޓުވުމުގެ ގޮތުންނެވެ. މި ޝަކުވާތަކާ އެކު ރައީސް މުއިއްޒު ވަނީ ރައްޔިތުންގެ އެ ޝަކުވާތަކަށް ހައްލެއް ހޯދައިދެއްވާނެ ކަމަށް ރައީސް ވިދާޅުވެފައި އެވެ.
އެކަމަށް ހުޅުވާލިތާ 14 ގަޑިއިރު ތެރޭގައި، އިކޮނޮމިކް މިނިސްޓަރު މުހައްމަދު ސައީދު ވިދާޅުވި ގޮތުގައި ގަވާޢިދާ ހިލާފަށް ހިންގާ ކަމަށް ފާހަގަ ކުރެވޭކަމަށް ބުނެ 29 ވިޔަފާރިއެއްގެ ރިޕޯޓު އާއްމު އެކި ފަރާތްތަކުން ކޮށްފައިވާ ކަމަށެވެ.
މިނިސްޓަރ ސައީދު ވިދާޅުވީ ރައީސް އުފައްދަވާފައިވާ ނޭޝަނަލް ޓާސްކް ފޯސްގެ އޮޕަރޭޝަންތައް މިއަދު މެންދުރުފަހު ފަށާނެ ކަމަށެވެ. އަދި ރިޕޯޓު ކުރެއްވި ވަރަކަށް އެފަދަ ތަންތަން ބަލައި ފާސްކޮށް، ގާނޫނުގައިވާ ގޮތުގެ މަތީން ފިޔަވަޅު އަޅަމުންދާނެ ކަމުގެ ޔަގީންކަން އަރުވާ ކަމަށް އޭނާ ވިދާޅުވި އެވެ.
ފޯނާއި ޓެބްލެޓުން ދަރިންގެ ނަފްސާނީ ސިއްހަތަށް ގެއްލުންވޭ!
އެމްޑީޕީގެ ޗެއާޕާސަން ކަމަށް މީހަކު ނެގޭ ގޮތެއް ނުވި!
ލަންކާގައި ދިރިއުޅޭ ދިވެހިން ސަމާލުވާން އެދިއްޖެ