އީރާނުގައި އާއްމުންގެ ތެރެއިން ބަޔަކު ނިކުމެ ކުރި ބޮޑު މުޒާހަރާގެ ތެރެއަށް އެމެރިކާ އާއި އިޒްރޭލުން ބައިވެރިންވަދެ ގައުމުގައި ހަމަނުޖެހުން ހިންގުމަށް ހިތްވަރުދީފައިވާކަމަށް އީރާނުގެ ރައީސް މަސްއޫދު ޕެޒެޝްކިއަން ތުހުމަތު ކުރައްވައިފި އެވެ.

އީރާންގެ ރައީސް ވިދާޅުވީ އީރާނުގައި މިފަހަކުން ފެނިގެންދިޔަ މުޒާހަރާތައް ބޮޑެތި ހަމަނުޖެހުންތަކަކަށް ބަދަލުވީ، އެމެރިކާގެ ރައީސް ޑޮނަލްޑް ޓްރަމްޕާއި، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫގެ ސަބަބުންކަމަށެވެ.

އީރާނުގެ މީޑިއާތަކުން ރިޕޯޓުކޮށްފގައިވާ ގޮތުގައި އީރާނުގައި ކުރިއަށްދިޔަ މުޒާހަރާގެ ތެރެއަށް އެމެރިކާ އާއި އިޒްރާއީލްގެ ވެރިންގެ އިތުރުން ވިލާތުގެ ގައުމުތަކުން ވަދެ ކަންކަން ގޯސްކޮށްފައިވެ އެވެ.

އީރާނުގެ ގައުމީ ޓީވީ މެދުވެރިކޮށް ދެއްވި ތަގުރީރެއްގައި އިރާންގެ ރައީސް ވިދާޅުވީ އީރާނުގައި އާއްމުންގެ ތެރެއިން ބަޔަކު ނިކުމެ ކުރި މުޒާހަރާގެ ތެރެއަށް އެމެރިކާ އާއި އިސްރާއީލްގެ ބައިވެރިންވަދެ ގައުމުގައި ހަމަނުޖެހުން ހިންގުމަށް ހިތްވަރުދީފައިވާކަމަށެވެ.

އެގޮތުން މުޒާހަރާގެ ބައިވެރިންގެ ތެރެއިން ބައެއް މީހުންނަށް ހަތިޔާރުގެ ވަސީލަތްތައް ފޯރުކޮށްދީ، އެ މީހުން މަގުތަކަށް ނެރެ، ގައުމު ބައިބައިކޮށް، ރައްޔިތުންގެ މެދުގައި ނަފްރަތާއި ދެބަސްވުން އުފެއްދުމަށް އެމެރިކާ އާއި އިސްރާއީލްގެ ބައިވެރިން މަސައްކަތް ކުރިކަމަށް ވަނީ ތުހުމަތުކޮށްފައި އެވެ.

ރައްޔިތުން ކުރި މުޒާހަރާއެއްގެ ތެރެއަށް ހަތިޔާރުހިފައިގެން ނުކުމެ، މަރައި އެމްބިއުލާންސާއި މާރުކޭޓްފަދަ އާއްމު ރައްޔިތުން ޒަރުރީ ބޭނުންތައް ފުއްދާ ތަންތަނުގައި ހުޅުޖަހައި ނުހަދާނޭކަމަށެވެ. މުޒާހަރާގެ ކަންކަން ފުރޮޅިގެންދިޔައީ އެބައިމީހުންގެ ފިތުނައިންކަން އީރާނުގެ ރައީސްގެ ވާހަކަފުޅުގައި ފާހަގަކުރިކަމަށް ވަނީ ބުނެފަ އެވެ.

ސްޓޫޑެންޓް ނެޓްވޯކުން ވަނީ މުޒާހަރާތަކުގައި 3،000 މީހުންގެ ފުރާނަ ގެއްލުނުކަމަށް ބުނެފައެވެ. އޭގެ ތެރޭގައި ގިނައީ ސަލާމަތީ ބާރުތަކުގެ އޮފިސަރުންކަން ވަނީ ފާހަގަކޮށްފަ އެވެ.

އީރާނާ އެމެރިކާގެ މަޝްރަހު ވަރަށް ހޫނުވެފައިވައިރު، ދެފަރާތުން ވެސް ހަނގުރާމައަށް ފުރިހަމައަށް ތައްޔާރުވެފައިވާކަމަށް އީރާން އަދި ހުޅަނގަށް ނިސްބަތްވާ މީޑިއާތަކުން ވަނީ ރިޕޯޓްކޮށްފައެވެ.