މާލޭ ސިޓީގެ މަގުތަކުގައި ކާރުތައް ޕާކްކުރާ ސޮލްޓްތަކުގެ ކުލި 750 ރުފިޔާއަށް ކުޑަކުރަން މާލޭ ސިޓީ ކައުންސިލުން ފާސްކޮށްފި އެވެ

މީގެކުރިން ޕާކިން ސްލޮޓްތަކުގެ ފީއަކީ 3000 ރުފިޔާ އެވެ.

މިރޭ ބޭއްވި ނޫސްވެރިންގެ ބައްދަލުވުމުގައި މާލޭ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވީ ޕާކިން ފީ ބޮޑުވުމުގެ ސަބަބުން ޓެކްސީ ޑްރައިވަރުންނަށް ބޮޑެތި ގެއްލުންތަކެއް ލިބެމުން އަންނަ ކަމަށެވެ.

މާލޭގެ މަގުތަކުގެ ހާލަތަށް ބަލާއިރު، ޕާކިން ފީގެ ގޮތުގައި 3000 ރުފިޔާ ނެގުމަކީ ހަމަޖެހޭ ކަމެއް ނޫން ކަމަށް ވެސް މޭޔަރު ވިދާޅުވި އެވެ.

އެސަބަބާ ހުރެ މާލޭ ސިޓީ ކައުންސިލްގެ މެމްބަރުންގެ އިއްތިފާގުން މިއަދު ވަނީ ޕާކިން ފީ 750 ރުފުޔާއަށް ކުޑަކުރަން ފާސްކޮށްފަ އެވެ.

މޭޔަރު ވިދާޅުވީ ޕާކްކުރުމާ ގުޅޭ ގަވާއިދެއް އެކުލަވާލައި އެ ގަވާއިދު ތަންފީޒު ކުރުމުގެ މަސައްކަތް ވެސް ކުރައްވާނެ ކަމަށެވެ.