އުތުރުގައި އައިއެސްޕީއެސް ގޭޓް އިފްތިތާހްކޮށްފި
އިންސްޓަގްރާމަށް ބޮޑެތި ބަދަލުތަކެއް!
އަހަރެންގެ ނާކާމިޔާބީއާމެދު ބޮލީވުޑް އުފާކުރޭ: ކަންގަނާ
ހުޅުމާލޭގައި ބާރުގަދަ ގޮވުމެއްގެ އަޑު އިވިގެން ފުލުހުން ހަރަކާތްތެރިވާން ފަށައިފި އެވެ.
މި ހާދިސާ ހިނގީ ރެހެންދި ސްކޫލްގެ ފުރަގަހުން އޮންނަ ބޯގަންވިލާމަގު، ހައިވޭ ކެފޭ ކައިރީގަ އެވެ. އެ ގޮވުމުގެ އަޑާއެކު ފުލުހުންނާއި ސިފައިން މިހާރު ދަނީ އެ ސަރަހައްދުގައި ހަރަކާތްތެރިވަމުންނެވެ. އަދި އެ ސަރަހައްދަށް އާއްމުންނަށް ނުވަދެވޭ ގޮތަށް ވަނީ ބަންދުކޮށްފަ އެވެ.
ފުލުހުން ބުނީ އެ ގޮވުމާ ގުޅިގެން އެއްވެސް މީހަކަށް ޖިސްމާނީ އަނިޔާއެއް ލިބުނުކަމުގެ މައުލޫމާތު މިހާތަނަށް ލިބިފައިނުވާ ކަމަށެވެ.
އެ ސަރަހައްދުގައި ހުރި މީހަކު "ހުރިހާ"އަށް ބުނީ ގޮވި ސަރަހައްދުން ބައެއް ތަކެތި ބިންމައްޗަށް ވެއްޓިފައިވަނިކޮށް ފެނިފައިވާ ކަމަށެވެ.
"އެ ގޮވުމުގެ އަޑު އިވުމުން ދިޔައީ ސިއްސައިގެން. މިހާ ބާރުގަދަ އަޑެއް މީގެ ކުރިން ނީވޭ،" އެ ސަރަހައްދުގައި ދިރިއުޅޭ މީހަކު ބުންޏެވެ.
މި ހާދިސާ ހިނގި ސަރަހައްދުގައި އެމްއެންޑީއެފްގެ ސްޕެޝަލް ފޯސަސް ކޮމާންޑްގެ ސިފައިން ވެސް އަންނަނީ ހަރަކާތްތެރިވަމުންނެވެ. ނަމަވެސް އެއީ ބަޔަކު އެއްޗެއް ގޮއްވާލީ ކަމެއް ނުވަތަ އެހެން ކަމެއް ދިމާވެގެން އިވުނު އަޑެއް ކަމެއް ފުލުހުން އަދި ނުބުނެ އެވެ.
