ރާއްޖޭގެ ކްރެޑިޓް ސްކޯ އަޕްގްރޭޑްކޮށް، ރާއްޖޭގެ ބޯޑަރު ފަތުރުވެރިންނަށް ހުޅުވާލި ފުރަތަމަ ގައުމުތަކުގެ ތެރޭގައި ރާއްޖެ ހިމެނި، އިގްތިސޯދީ ގޮތުން ވަރުގަދަ ރިކަވަރީއެއް ފެންނަމުންދާ ކަމަށް ބައިނަލްއަގުވާމީ ރޭޓިން އެޖެންސީއަކުން ބުނެފި އެވެ.

މިދިޔަ އަހަރުގެ ޖުލައި މަހު ބޯޑަރު އަލުން ހުޅުވާލުމުން ރާއްޖޭގެ ގޮނޑުދޮށްތަކަށް ބޭރުގެ ފަތުރުވެރިން ޖަމާވެ، ހުދު ކުލައިގެ ވެލި އޮންނަ ގޮނޑުދޮށްތަކަށް ޖަމާވެފައި ބޭތިއްބުމުގެ ގާބިލްކަން ވަނީ ހޯދައިފަ އެވެ.

ރާއްޖޭގެ ކްރެޑިޓް ރޭޓިން ބީ މައިނަސްއަށް އަޕްގްރޭޑް ކުރަމުން ފިޗް ރޭޓިންގްސް އިން ބުނީ މި އަހަރުގެ މިހާތަނަށް ޓޫރިޒަމް ކޮވިޑްގެ ކުރިން އޮތް ލެވެލްގެ ގާތްގަނޑަކަށް 70 ޕަސެންޓަށް އިޔާދަވެފައިވާ ކަމަށެވެ.

"އަޅުގަނޑުމެން މި ބަލަނީ 2022 ވަނަ އަހަރު ޕްރީ-ޕެންޑެމިކް ލެވެލްގެ 80 ޕަސެންޓަށް ވުރެ މައްޗަށް އަދި 2023 ވަނަ އަހަރު 100 ޕަސެންޓާ ގާތްކުރާ އަދަދަކަށް ޓޫރިސްޓުން އަންނަ މިންވަރު މަޑުމަޑުން ހަމަޔަކަށް އެޅެމުން އަންނަ ކަމަށް،" ފިޗް އިން ބުންޏެވެ.

2019 ވަނަ އަހަރު ރާއްޖެއަށް 1.7 މިލިއަން ބޭރުގެ ފަތުރުވެރިން ޒިޔާރަތްކޮށްފައިވާ އިރު، މިއީ އޭގެ ކުރީ އަހަރަށް ވުރެ 15 ޕަސެންޓްގެ ކުރިއެރުމެއް ކަމަށް ސަރުކާރުން ބުނެ އެވެ.

ފިޗް އިން ބުނި ގޮތުގައި މިދިޔަ އަހަރު 33.5 ޕަސެންޓްގެ ކުރިއެރުމަށް ފަހު، މި އަހަރު ރާއްޖޭގެ އިގްތިސޯދު ގާތްގަނޑަކަށް ތިން ބައިކުޅަ އެއްބަޔަށް އަދި 2022 ވަނަ އަހަރު 10 ޕަސެންޓަށް ކުރިއަރާނެ ކަމަށް ލަފާކުރެވޭ އިރު، މިއީ ދުނިޔޭގެ ނިސްބަތުން އެންމެ ބޮޑަށް ދަށްވި އެއް ދަށްވުމެވެ.

"ހާއްސަކޮށް މައި އިންޓަނޭޝަނަލް އެއާޕޯޓުގައި އާ ޓާމިނަލެއް ތަރައްގީކުރުމަކީ ކުރިއަށް އޮތް އަހަރުތަކުގައި ޓޫރިސްޓުންގެ އަދަދު ބޮޑުތަނުން އިތުރުވާން ޖެހޭ ކަމެއް، އާ ރިސޯޓުތައް ވެސް ހަދަމުން އަންނަ އިރު،" ރޭޓިން އެޖެންސީން ބުންޏެވެ.

ރާއްޖެއިން ވަނީ ރިސޯޓުތަކުގެ މުވައްޒަފުންނަށް ކޮވިޑުން ރައްކާތެރިވުމަށް ފުރިހަމަ އަށް ވެކްސިން ދީ، ވެކްސިން ވެސް ފުރިހަމަކޮށްފަ އެވެ. ރާއްޖޭގައި މިހާތަނަށް 87،487 މީހުންނަށް އެ ވައިރަސް ޖެހި 243 މީހުން ވަނީ މަރުވެފަ އެވެ.

ފިޗްގެ އަޕްގްރޭޑް އައިސްފައި މިވަނީ ވާދަވެރި ކުންފުންޏެއް ކަމަށްވާ މޫޑީސް އިން އަވަށްޓެރި ސްރީލަންކާގެ ރޭޓިން ޑައުންގްރޭޑް ދަށްކުރިތާ އެއް ދުވަސް ފަހުންނެވެ.

ދެ ގައުމަކީ ވެސް ފަތުރުވެރިކަމާއި ވިޔަފާރީގެ ގޮތުން ގާތް ގުޅުމެއް އޮންނަ ދެ ގައުމެވެ. -- އޭއެޕްޕީ