ރޭގަނޑު ލަސްވަންދެން ބޭރުގައި އުޅެފައި އައިސް ފާހާނާއަށް ވެސް ނުވަދެ އޮށޯވެވެނީ އެނދުގަ އެވެ. ރެއަށް ކުރި މޭކަޕް ހުރީ މޫނުގައި ވަރަށް ސާފުކޮށެވެ. މިއީ ވަރަށް އާދައިގެ ކަމެއްހެން ހީވިއަސް ވަރަށް ގޯސް އާދަ އެކެވެ. އެކަމުގެ ސަބަބުން ހަށިގަނޑަށް ގިނަ ގެއްލުން ތަކެއް ލިބޭ ކަމެކެވެ.

ހަންގަނޑު ހިކުން

އާއްމުކޮށް މޭކަޕްއާއިއެކު ނިދާނަމަ ބޭނުންކުރާ ލޯޝަންއާއި މޮއިސްޗުރައިޒަރުތަކުގައި ހުންނަ ވިޓަމިންސް ހަންގަނޑަށް ނަގައި ނުގަނެވޭނެ އެވެ. އެހެންކަމުން ހަންގަނޑަށް ބޭނުންވާ ކާނާ ނުލިބުމުގެ ސަބަބުން ހަންގަނޑު ހިކޭނެ އެވެ.

ހަންގަނޑުގައި ރޫޖެހުން

މޭކަޕްއާއި ދާ އެއްވުމުން ތިމާވެށިގެ ސަބަބުން ދިމާވާ އޮކްސިޑޭޓިވް ގެއްލުން ހަންގަނޑަށް ލިބެ އެވެ. އެހެންވުމުން ހަންގަނޑުގައި ހުންނަ ކޮލާޖެން ހަލާކުވެ ހަންގަނޑުގައި ރޫޖެހެއެވެ.

މޫނުގައި ހުންނަ ލޯވަޅުތައް ބެދުން

އެންމެ ފުރަތަމަ ލާފައިވާ މޭކަޕް ފޮހޭއިރު، މޭކަޕް ކުދިކުދިވެ ހަންގަނޑުގައި ހުންނަ ލޯވަޅުތައް ބައްދާލަ އެވެ. އެހެންކަމުން ހަންގަނޑުގައި ބެކްޓީރިއާފަދަ ނުރައްކާތެރި އެއްޗެހި ހަރުލާ ގޮތްވެ އެވެ.

މޫނު ކަޅުވުން

މޭކަޕް ފޮހެން ހަނދާން ނެތުމުގެ ސަބަބުން ވަރަށް ގިނަ މަރުވެފައިވާ ސެލްތައް ހަންގަނޑުގައި ހަރުލާފައި ހުރެ އެވެ. އެހެންކަމުން ހަންގަނޑު އަނދިރިވެ، އޮމާންކަން ގެއްލިގެންދެ އެވެ.