މި އަހަރުގެ މިސް ޔުނިވާސްގެ މަގާމު ނިކަރަގުއާ އިން މުބާރާތުގައި ވާދަކުރި ރީތީގެ ރާނީ ޝެއިނިސް ޕަލަސިއޯސް އަށް ލިބިއްޖެ އެވެ.

އުމުރުން 23 އަހަރުގެ ޝެއިނިސް މިސް ޔުނިވާސްގެ ތާޖު ހާސިލުކުރީ މުބާރާތުގައި ވާދަކުރި 84 އަށް ވުރެ ގިނަ ބައިވެރިންގެ ތެރެއިން ފުރޭނިގެން ގަދަ 20 އަށް ދަތުރުކުރުމަށް ފަހު އެވެ. ޝެއިނިސްގެ ބޮލުގައި މިސް ޔުނިވާސްގެ ތާޖު އަޅުވައި ދިނީ 2022 ގެ އެ މަގާމު ލިބުނު އެމެރިކާގެ އަރްބާނީ ގޭބްރިއޭލް އެވެ.

މި އަހަރުގެ ފުރަތަމަ ރަނާރަޕްކަން ލިބުނީ ތައިލޭންޑްގެ އެންޓޯނިއާ ޕޯސްލިޑް އަށެވެ. ދެވަނަ ރަނާރަޕް އަކީ އޮސްޓްރޭލިއާގެ މޮރާޔާ ވިލަސަން އެވެ.

މިސް ޔުނިވާސް 2023 ގަދަ ތިނެއް

އެލް ސެލްވެޑޯގެ ވެރިރަށް ސޭން ސެލްވެޑޯގައި އިއްޔެ ބޭއްވި މި ރަސްމިއްޔާތުގެ ކުރިން، 20 ގައުމެއް ވަނީ ޝޯޓްލިސްޓް ވެފަ އެވެ. އެއަށް ފަހު ސުވިމިން ސޫޓް ރައުންޑުން 10 ބައިވެރިން އަލުން ޝޯޓްލިސްޓް ކުރި އެވެ. ދެން ކުރިއަށް ގެންދިޔައީ އީވްނިން ވެއާ ރައުންޑެވެ.

މިފަހަރުގެ މިސް ޔުނިވާސް ކާމިޔާބު ނުކުރެވުނަސް ބައެއް ބައިވެރިން ވަނީ ތާރީހުގެ ތެރެއިން ހާއްސަ ޖާގައެއް ހޯދާފަ އެވެ.

މިސް ޔުނިވާސްގެ 72 ދިގު ދެ އަހަރުގެ ތެރޭގައި ފުރަތަމަ ފަހަރަށް ވަނީ ޕްލަސް ސައިޒް މޮޑެލް އެއް ބައިވެރިވެފަ އެވެ. އަދި ސެމީ ފައިނަލަށްވެސް ދަތުރުކޮށްފަ އެވެ. އެއީ މިސް ނޭޕާލްގެ ގޮތުގައި މުބާރާތުގައި ވާދަކުރި ޖޭން ދިޕިކާ ގެރެޓް އެވެ.

މިސް ޔުނިވާސް 2023 ގައި ބައިވެރިންގެ ތެރެއިން ފާހަގަ ކޮށްލެވޭ އެހެން ބައިވެރިން

މިސް ޔުނިވާސްގެ ތާރީހުގެ ތެރެއިން ހާއްސަ ޖާގައެއް ހޯދި އަނެއް ބައިވެރިޔަކީ މިސް ކޮލޮމްބިއާ ކެމީލާ އަވޭލާ އެވެ. އޭނާއަކީ ކައިވެނިކޮށް ދަރިޔަކު ހުންނަ މީހަކަށް މިސް ޔުނިވާސްގެ ޝަރަފުވެރި ވަަނައެއް ލިބުނު ފުރަތަމަ ބައިވެރިޔާ އެވެ. އޭނާ ހޯދީ މުބާރާތުން ފަސްވަނަ އެވެ.

މިއަހަރުގެ ޖަޖިން ޕެނެލްގައި މޮޑެލް ހަލީމާ އެޑެން އާއި "ކުއިއާ އައި" ގެ ތަރި ކާސަން ކްރެސްލީ އާއި ޓިކްޓޮކް އިންފްލުއެންސަރު އަވާނީ ގްރެގް އަދި ކުރީގެ ދެ މިސް ޔުނިވާސް ނަސީބުވެރިން ކަމަށްވާ ޓްރިނިޑާޑް އެންޑް ޓޮބޭގޯގެ ޖެނެލް ކޮމިޝަންގް (މިސް ޔުނިވާސް 1977) އަދި ފްރާންސްގެ އައިރިސް މިޓެނޭއާ (މިސް ޔުނިވާސް 2016) ހިމެނެ އެވެ.