އާއްމު ދިރިއުޅުމުގެ ބައެއް އާދަތަކަކީ އެކަމުގެ ސަބަބުން ސިއްހަތަށާއި ދިރިއުޅުމަށް ނޭދެވޭ އަސަރުތަކެއްކުރާ އާދަތަކެކެވެ. އެގޮތުން ތިމާގެ ބުރުސޫރަ މުސްކުޅި ކޮށްދޭ ގިނަ އާދަތަކެއް ގިނަ ބައެއްގެ ފަރާތުން ފެންނަ ކަމަށް ޑޮކްޓަރުންނާ ލާހިރުން ބުނެ އެވެ.

ސްކްރީން ވަގުތު އިތުރުވުން

ފޮޓޯ: ޕިންޓްރެސްޓް

ލެޕްޓޮޕް، ޓީވީ ނުވަތަ އެހެން ވެސް ޓެކްނޮލޮޖީގެ ވަސީލަތްތަކުން ހަށިގަނޑަށް އަމާޒުވާ ބްލޫ ލައިޓް މާ ގިނައިން ލިބުމަކީ އަވަހަށް މުސްކުޅިވުމަށް ދިމާވާ އެއް ސަބަބެވެ. ޓެކްނޮލޮޖީއަށް ބަރޯސާވެފައި އޮތް މިފަދަ ދަނޑިވަޅެއްގައި މިއީ ގިނަ މީހުންނަށް އާދަވެފައިވާ އާދަ އެކެވެ.

ގަޑިއަށް ނުނިދުން

ފޮޓޯ: ޕިންޓްރެސްޓް

އެ މީހެއްގެ ނިދުމުގެ ވަގުތުތަކަށް އިހުމާލުވެ ނިދި ގެއްލުވާލާނަމަ އަވަހަށް މުސްކުޅިވުމަށް މަގުފަހިވެ އެވެ. ރޭގަނޑު ލަހުން ނިދުމަށްފަހު ހަމަ ނިދި ނުލިބި ހޭލާނަމަ އަވަހަށް މުސްކުޅިވުމުގެ އިތުރުން ގިނަ ސިއްހީ މައްސަލަތަކަކަށް ވެސް ހުށައަޅަ އެވެ.

ދުންފަތުގެ އިސްތިއުމާލު ކުރުން

ފޮޓޯ: ޕިންޓްރެސްޓް

އޮޅިފައި ނުވާ ފަދައިން ދުންފަތުގެ އިސްތިއުމާލު ކުރުމަކީ އޭގެ ސަބަބުން ނުރަނގަޅު އެތަކެއް އަސަރެއް ހަށިގަނޑަށް ކުރާ ކަމެކެވެ. އޭގެ ތެރެއިން އެއް ގެއްލުމަކީ ބުރުސޫރަ ބަދަލުވެ އަވަހަށް މުސްކުޅި ވުމެވެ. ދުންފަތުގެ ސަބަބުން ހަންގަނޑުގެ އާ ސެލްތައް އުފެދުމަށް ހުރަސް އަޅައި ހަންގަނޑު ދުވަސް ވެފައިވާ ކަމަށް ދައްކަ އެވެ.