ޕާޓީން ވަކިކުރުމުން ގޮނޑިގެއްލޭގޮތަށް ގާނޫނުއަސާސީ އިސްލާހުކޮށްފި
މަސްފެންގަނޑު މަރާތުކޮށް ހަވާލުކުރުމަށް ރަސްމިއްޔާތެެއް
ހެރިސްގެ ކެމްޕެއިނަށް ބިޔޯންސޭ ރިޝްވަތު ހިފިތަ؟
ރައީސް އިބްރާހިމް މުހައްމަދު ސޯލިހުގެ ދައުވަތަކަށް އދ.ގެ އާންމު މަޖިލީހުގެ ރައީސް އަބްދުﷲ ޝާހިދު ރާއްޖެ ވަޑައިގެންފި އެވެ.
ރާއްޖޭގެ ފޮރިން މިނިސްޓަރުކަން ވެސް ކުރައްވާ ޝާހިދު ރާއްޖޭ ވަޑައިގަތީ މިއަދު ހެނދުނުގެ ވަގުތެއްގަ އެވެ.
މިއީ އދގެ 76 ވަނަ އާންމު މަޖިލީހުގެ ރިޔާސަތާ ރަސްމީކޮށް ހަވާލުވެވަޑައިގެންނެވި ފަހުން، ޝާހިދު، ރާއްޖެއަށް ކުރައްވާ ފުރަތަމަ ދަތުރެވެ.
ފޮރިން މިނިސްޓަރު ޝާހިދަށް އެއާޕޯޓުން މަރުހަބާ ދެންނެވީ ޓޫރިޒަމް މިނިސްޓަރު ޑރ. އަބްދުﷲ މަޢުސޫމް އާއި، ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަލީ ޒާހިރު، އިތުރުން ފޮރިން މިނިސްޓްރީގެ އިސްވެރިންނެވެ.
އެމަނިކުފާނު ރާއްޖެއަށް ކުރައްވާ މި ދަތުރުފުޅުގައި ރައީސުލްޖުމްހޫރިއްޔާއާ ބައްދަލުކުރެއްވުމަށްވަނީ ހަމަޖެހިފަ އެވެ. މި ބައްދަލުކުރެއްވުމަށްފަހު ގުޅިފައިވާ ބަޔާނެއް ދެއްވުމަށް ވަނީ ހަމަޖެހިފަ އެވެ.
ރައީސްގެ އިތުރުން ޑިފެންސް މިނިސްޓަރު މާރިޔާ އަހުމަދު ދީދީ އާއި، ރައްޔިތުންގެ މަޖިލީހުގެ ނައިބް ރައީސް އީވާ އަބްދުﷲގެ އިތުރުން އުއްތަމަ ފަނޑިޔާރާ ވެސް ބައްދަލުކުރެއްވުމަށް ވަނީ ހަމަޖެހިފަ އެވެ.
އދ. ގެ 76 ވަނަ އާންމު މަޖިލީހުގެ ރައީސްގެ ހައިސިއްޔަތުން ޝާހިދު ރާއްޖެވަޑައިގަތުމަށް ދައުވަތު ދެއްވީ އދ.ގެ އާންމު މަޖިލީހުގައި ތަގުރީރު ކުރެއްވުމަށް އެމެރިކާއަށް ރައީސް އިބްރާހިމް މުހައްމަދު ސޯލިހު މިދިޔަ މަހު ކުރެއްވި ދަތުރުފުޅުގައި ޝާހިދާއެކު ބޭއްވި ބައްދަލުކުރެއްވުމުގަ އެވެ.
އދ. ގެ 76 ވަނަ އާންމު މަޖިލީހުގެ ރައީސްގެ މަގާމަށް ޝާހިދު ހޮވިވަޑައިގަތީ މި އަހަރުގެ ޖޫން މަހު އެވެ.
އާއްމު މަޖިލީހުގެ ރިޔާސަތާ އެމަނިކުފާނު ހަވާލުވެވަޑައިގެންނެވީ ސެޕްޓެމްބަރު މަހުގެ 15 ވަނަ ދުވަހު އެވެ.
ސުރުޚީ އަށް ރާއްޖޭގެ ޚާރިޖީ ވަޒީރު ލި ނަމަ މާ ފުރިހަމަވީސް. މުހިންމު މައުލޫމާތެއް ސުރުޚީ އިން ގަސްދުގައި އުނިކޮށްފައި. ރައްޔިތުންގެ ފައިސާ އިން މުސާރަ ދޭ މަގާމެއްގައި ހުރި މީހެއްގެ މަގާމު ފޮރުވަން މަސައްކަތް ކުރުމަކީ ދެރަވަރުގެ ކަމެއް. އަޅެ ނިކަން ތިއިން ނޫހަކުން ރައްޔިތުން މިކުރާ ސުވާލަށް ފުރިހަމަ ދިރާސާ އެއް ކުރުމަށްފަހު ޖަވާބު ހޯއްދަވައި ދެއްވުން އެދެން. ޤާނޫނީ ގޮތުން މި މައްސަލަ ބަލާ ވަށާޖެހޭ ގޮތަކަށް ރަންގަޅު ލިޔުމެއް ފެންނާނެ ކަމަށް އުންމީދު ކުރަން.
ހަމަ ހިނި އަންނަނީ. ދިވެއްސެކޭ މީ. ދިވެއްސަކު އަމިއްލަ ރަށާ އަމިއްލަ ގައުމަށް ގަސްތުގަ ނައިސް ހުރެ ހުރެފަ އައީމަ މި ޚަބަރު ލިޔެފަ މި އިން ގޮތުން ހިނި އަންނަނީ.