ބާ ކައުންސިލްގެ ރައީސްގެ މަގާމަށް ހުސައިން ސިރާޖު މިއަދު އިންތިހާބު ކޮށްފި އެވެ.

ބާ ކައުންސިލްގެ ރައީސްގެ މަގާމް ހުސްވީ އެ މަގާމުގައި ހުންނެވި އިސްމާއިލް ވިޝާމް މިދިޔަ ޖެނުއަރީ މަހު ކުއްލި ގޮތަކަށް ނިޔާވުމުންނެވެ.

މިއަދު ބޭއްވި އިންތިހާބުގައި ސިރާޖަށް ލިބިވަޑައިގަތީ 224 ވޯޓެވެ. އޭނާއާ ވާދަކުރެއްވި މުހައްމަދު ފައިސަލަށް ލިބިވަޑައިގަތީ 172 ވޯޓެވެ.

ސިރާޖަކީ މަދަނީ ބޮޑެތި މައްސަލަތަކުގައި ވަކާލަތު ކުރައްވަމުން އަންނަ ބޭފުޅެކެވެ. އޭނާ ވަނީ މީގެކުރިން މީރާގެ ބޯޑުގައި ވެސް މަސައްކަތް ކުރައްވާފަ އެވެ.

ބާ ކައުންސިލްގެ އެގްޒެކެޓިވް ކޮމިޓީގެ މެންބަރު ކަމަށް ކުރިމަތިލެއްވީ އަހްމަދު ޝިފާއު އެކަންޏެވެ. އެހެންކަމުން މިއަދު ވަނީ އޭނާ އެ މަގާމަށް އިންތިހާބުކުރަން ފެނޭތޯ ބެލުމަށް ވޯޓެއް ނަގާފަ އެވެ. ފެންނަ ކަމަށް 248 ވޯޓު ލިބުނުއިރު، ނުފެންނަ ކަމަށް 88 ލިބިފައިވެ އެވެ.