މާލެ ތެރޭގައި ހުރި ގަރާޖުތަކާއި ސިނާއީ މަސައްކަތްތައް ކުރާ އެހެން ތަންތަން އިސްޑަސްޓްރިއަލް ވިލެޖަށް ބަދަލުކުރަން ސާވޭކުރަން ސިޓީ ކައުންސިލުން ފަށައިފި އެވެ.

މާލޭ ސިޓީ ކައުންސިލުންގެ މޭޔަރު ޑރ. މުހައްމަދު މުއިއްޒު ކުރެއްވި ޓުވީޓެއްގައި ވިދާޅުވީ މާލެތެރޭގައި ހުރި ގުދަން، ގަރާޖު، ވޯކްޝޮޕް، ވަޑާންގެ، ގާއަޅާ ތަންތަން ފަދަ ސިނާޢީ މަސައްކަތް ކުރާ ތަންތަން އެކަމަށް ޚާއްސަ އިންޑަސްޓްރިއަލް ވިލެޖަށް ބަދަލުކުރުމަށް ސަރުކާރަށް ދެންނެވުމަށް ނިންމާފައިވާ ކަމަށެވެ. އެކަމާ ގުޅިގެން ސާވޭއެއް ސިޓީ ކައުންސިލުން މަސައްކަތް ކުރަމުން އަންނަ ކަމަށް މޭޔަރު ވިދާޅުވި އެވެ.

އެގޮތުން 2019 ވަނަ އަހަރުގެ ސެޕްޓެމްބަރު މަހުގެ 20 ވަނަ ދުވަހުގެ ރޭ ހ. ތިލަފުށީގޭގައި ހުރި ގުދަނެއްގައި ރޯވެގެން ހިނގި ނުރައްކާތެރި އަލިފާނުގެ ހާދިސާއާ ގުޅިގެން ސަރުކާރުން ވަނީ ކެމިކަލް ގުދަންތަކާއި އެފަދަ އެހެނިހެން ސިނާއީ މަސައްކަތްތައް ކުރާ ތަންތަން އާއްމުން ދިރިއުޅޭ ސަރަހައްދާއި ދުުރުގައި ހުންނަ އިންޑަސްޓްރިއަލް ޒޯނަށް ބަދަލުކުރަން ނިންމައިފަ އެވެ.