ރައީސް ޑރ. މުހައްމަދު މުއިއްޒުގެ ސަރުކާރުގެ މަތިބަރުވެ، ހޯމްލޭންޑް މިނިސްޓްރީއަށް މިހާތަަނަށް 11 ޑެޕިއުޓީ މިނިސްޓަރުން އައްޔަންކޮށްފި އެވެ.

ރައީސް އޮފީހުގެ ވެބްސައިޓްގައިވާ ގޮތުން މިހާތަަނަށް އެންމެ ގިނަ މިނިސްޓަރުގެ ނައިބުން އައްޔަންކޮށްފައި ވަނީ ހޯމްލޭންޑް މިނިސްޓްރީއަށެވެ. އެ މިނިސްޓްރީއަށް މިހާތަނަށް އައްޔަންކުރި މިނިސްޓަރުންގެ ނައިބުންނަށް މުސާރަ އާއި އިނާޔަތުގެ ގޮތުގަައި މަހަކު 385،000 ރުފިޔާ ހަރަދުވާނެ އެވެ.

ހޯމްލޭންޑް މިނިސްޓްރީގައި މިނިސްޓަރުގެ އިތުރުން ތިން ސްޓޭޓް މިނިސްޓަރުން ވެސް ތިއްބަވަ އެވެ.

މީގެ އިތުރުން އިސްލާމިކް މިނިސްޓަރުގެ ނައިބުކަމުގެ މަގާމަށް ވެސް މިހާތަނަށް 8 ބޭފުޅަކު އައްޔަންކޮށްފައިވެ އެވެ. މީގެ އިތުރުން އެހެން މިނިސްޓްރީތަކަށް ވެސް މަދުވެގެން ދެ ބޭފުޅަކު އައްޔަންކޮށްފައިވެ އެވެ.

"ހުރިހާ"އަށް އެނގިފައިވާ ގޮތުގައި މިނިސްޓަރުގެ ނައިބުގެ މަގާމަށް އައްޔަންކުރާ ބޭފުޅުންގެ ނަންތައް އިއުލާންކުރުން ރައީސް އޮފީހުން މިހާރު ވަނީ ހުއްޓާލައިފަ އެވެ. ނަމަވެސް މިހާތަނަށް 102 ބޭފުޅެއްގެ ފޮޓޯ ރައީސް އޮފީހުގެ ވެބްސައިޓްގައިވެ އެވެ.